Monthly Archives: Февраль 2016

Марий Эл Республикын Юмынйӱла ушемже олалаште да районлаште шке шотан школлам почаш пунчалын. Йошкар-Олаште  школ ынде икмыняр тылзе пашам ышта. Тыгаяк школ Кужэҥер районышто почылтеш.

Ты школлаште кумылан-влаклан кумалтыш, тӱрлӧ марий йӱла-влак нерген онаеҥ-влак каласкалат. Читать далее →

Кузе марий йылмым арален кодыман, вияҥдыман да самырык-влак коклаште шыҥдарыман?

Кызыт нимат ышташ огыл гын, икмыняр ий гыч марий йылме йомын кертеш. Кызытсе мер илышыште марий йылмым тунеммаште, шаркалымаште ала-мом уым, ӧрыктарышым кычалман. Читать далее →

«Левада-Рӱдер» 2016 ий январь тылзыште шке черетан шымлымашыжым эртарен. Тиде рӱдерын йодыштмашыже почеш Российыште илыше калык Владимир Путинлан шагалрак ӱшанаш тӱҥалын.

Кызыт тудын пашажым 82% сайлан шотлен гын, эше шыжым — 90% наре еҥ. Тыште чыла раш: Путин ӱмаште шыжым Сирийыште сарыш ушнен. Читать далее →

Вашке шочмо калыкна шкенжын черетан съездышкыже чумырга. Кузерак вара ме тудым вашлийына: мыняре калыкнан чотшо, йылмынан статусшо.

Мландывалне 7,3 миллиард утла айдеме ила. Тышечын пелыже оласе улеш. Эн шуко калык Кытайыште ила (1,3 миллиард). Кокымшо верыште — Индий (1,2 миллиард). Кумшо верыште — АУШ (324 миллион). Россий Федераций индешымше верыште улеш. Тиде кугыжанышыште 146 миллион (111 миллион руш) еҥ ила. Кокла шот дене пӧръеҥ-влак 60 утла ийым илат. Читать далее →

Пургыж тылзын 3-шо кечынже Тартушто Финн-угор теле школыш толшо студент да самырык шанчызе-влакым Эстонийыште улшо финн-угор мер ушем-влак дене палдареныт.

Касым Васли Николаев почын. Мероприятийын шонымашыже эн ончыч Тартушто улшо финн-угор организаций-влак дене палдарымаш лийын. Да ушемышт нерген членышт-влак шке толын ойлышаш улыт ыле, ман каласен тудо. Читать далее →

Марий Элемлан

Марий Элем, нужна радам гыч
Лектат уке иктаж гана?
Савырненас вашке Адамыш
Кодеш лач ик лышташ гына.

Кӧн сӧрымыжлан ӱшаналын
Мотор эрлам шып вучена?
Кӧн кумырлан сукен кумалын
Ме кӱчызыш савырнена? Читать далее →

«Марий ушем» пелен 2015 ий декабрь тылзыште «Юмарий» юмынйӱла школ почылтын. Таче кече марте 3 урокым эртарыме. Самырык рвезе-влакым палыме онаеҥже-влак Йошкар-Ола гыч Тушнурцев Юрий-иза да Кужеҥер район гыч Актуганов Вячеслав туныктат.

«Юмарий» юмынйӱла школыш кызытеш 5-6 рвезе коштеш. Нуно онаеҥ-влакын каласкалымыштым колыштыт, йодыш-влакым пуэдат, ончыкшым йӱлам практически шукташ ямдылалтыт. Читать далее →

«Йытыран ойлен гына илышым вашталташ лиеш ыле гын…»

29 январьыште Марий калыкын X Погынышкыжо делегат-влакым сайлымаш амал дене «Марий ушемын» еҥже-влак У Торъял да Шернур районласе коференцийлаште лийыныт.

Тиддеч ончыч Кужеҥер да Морко районлаште лийын улына ыле. Но Мер Каҥашын южо еҥжылан тиде огеш келше. Нуно марийушемзе-влак ваштареш тыгай шылтыкым кычалыт: «Молан те Мер Каҥашын Марий погынлан ямдылалтме пашашкыже ушнен огыдал, а калыкым луген коштыда?!» Читать далее →

Тарту университетыште 3-шо февральыште уста шымлызым, Пауль Аристэм, шочмо кечыже вашеш шарналтеныт.

Кумдан палыме эстон лингвист, этнограф финн-угор йылме кокла гыч утларакшым эстон, водь да одо йылмылам шымлен. Шке жапыштыже шанчызе кугу водь мутерлан негызым пыштен, шуко экспедицийлаште лексике материалым водь йылме дене поген. Читать далее →