Марий Эл Республикын Юмынйӱла ушемже олалаште да районлаште шке шотан школлам почаш пунчалын. Йошкар-Олаште школ ынде икмыняр тылзе пашам ышта. Тыгаяк школ Кужэҥер районышто почылтеш.
Ты школлаште кумылан-влаклан кумалтыш, тӱрлӧ марий йӱла-влак нерген онаеҥ-влак каласкалат.
19 февральыште кугарнян 10 шагатлан Кужэҥер юмынйӱла ушем черетан тунеммашым Токтайбеляк селаште эртара. Школым марий онаеҥ Вячеслав Михайлович Актуганов вӱда.
Адрес: Кужэҥер район, Токтайбеляк села, тӱвыра пӧрт
Тел. +7-937 111 63 25
Кумылан-влаклан Йошкар-Ола гыч транспорт лиеш.
Марий Юмынйӱла ушем
MariUver 
Марий Ушем чынжымак локомотив семын калыкнам ончыко шупшеш. Тудын пашаже, молылан пример. Ондак юмынйӱла школым Марий Ушем Йошкар-Олаште почын гын, а кызыт ончалза — шуко жап ыш эрте, тыгай школ-влак республике мучкат почылташ тӱҥалыч.
Пашада ушныжо!
Тау Марий Ушемлан! Тау тыгай сомылым ыштен шогышо калыклан!
Пеш сай! Тек моло вереат тыгай школ-влак почылтыт. Тӱҥжым икте-весылан кӧранен чаракым ышташ ок кӱл, а то ме марий-влак икте весына коклаште вурседыл, шурген кияш да вес марийлан ӱчым шукташ пеш реза улына.
Тыгак Й-Ола лютеран-влакын «Сорта» изи журналышт чимарий-влакым «Ото» журналымат лукташ таратен ыле, ортодокс (православный) черкымат марла пашам ышташ да газет да брошюр-влакым савыкташ тарватен ыле. Лектеш мо кызыт «Ото»?
Поро!
«Ото» пытартыш гана 2011 ийыште лектын. Уже 5 ий уке.
Раш, лукман.