Калык Путинлан шагалрак ӱшанаш тӱҥалын

Putin_reiting«Левада-Рӱдер» 2016 ий январь тылзыште шке черетан шымлымашыжым эртарен. Тиде рӱдерын йодыштмашыже почеш Российыште илыше калык Владимир Путинлан шагалрак ӱшанаш тӱҥалын.

Кызыт тудын пашажым 82% сайлан шотлен гын, эше шыжым — 90% наре еҥ. Тыште чыла раш: Путин ӱмаште шыжым Сирийыште сарыш ушнен. Ондак калык тидлан куанен да чот кугешнен. Теве кызыт изишак умылаш тӱҥалын: Сирийыште мемнан окса кӱшеш сарым вӱдат.

Адакшым Владимир Путин шке чын чурийжым шукерте огыл калык ончылно ончыктен. Тудо калыкле политикыште кӧ улмыжым рашемден. Россий Федерацийыште республик-влак «ваштареш улмыжым» палемден. Тыге лектеш, пуйто тудо Российыште 146 миллион илыше кокла гыч 111 миллион рушым веле пагала? Россий Конституцийжын гарантше элын Тӱҥ законжым пудырташ ямде? Тыгай осал паша калык-влакым иктыш чумыргымо олмеш умылыдымашым веле шочыктен кертеш.

Российыште илыше калык ӱшана, Владимир Путин шке йоҥылышыжым умыла да тетла тыгай «пӱсӧ», «вычкыж» йодышышто шкенжын торжан кучымыжым чарна. Укеж дык 2018 ийысе Президент сайлымаш годым калык тудлан «Йӧра, чеверын! Сау бул!…» манеш…

Алексей Андреев

2 комментария

Filed under Увер-влак

2 responses to “Калык Путинлан шагалрак ӱшанаш тӱҥалын

  1. Пуры вады.

    Кынам вара Путин шöртньӹ покенжӹм кода?

  2. Чын верч шогышо.

    Шуко нациян государствыште Путинын «национальный гвардийым» ыштымаш — «руш гвардийым» ыштымаш, калык-влакын тӧр улмо правашт дене ок келше. Татарстанлан тоже шке «национальный гвардийыштым» ышташ мо? (Тугак Марий Эллан да молылан?) Путин огеш шылте, кӧн ваштареш «нацгвардийым» кучылтнеже — моло нацийын «экстремистышт» ваштареш. А тыгайлан керек-кӧм руш огылым шотлен кертыт, кудышт руш кутаным огыт нуло. «Терроризм» нерген ойлышын коеш да, Российыште терроризм шарлымылан вет шкеак титакан. Тудо эн вӱран да осал сарым чечен калык ваштареш намиен, тудо кугу Грозный олам сталинградын руиныже гайыш савырен, шуко тӱжем еҥын тиде сареш колымылан тудо титакан. Тудо, тудын командыже Российын экономический вараш кодмыжлан титакан улыт. Сандене Путинлан нимогай ӱшанымаш лийын огеш керт да тыгай уда еҥ дене вашкерак чеверласыман.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s