MariUver

Таче, чатлама тылзын 30-шо кечынже, Йошкар-Олаште этнокультур предметла дене республик кӱкшытан олимпиаде эрта, увертара «Марий Эл» газет.

2026 ийысе финн-угор тӱнян тӱвыра рӱдолаже кышкарыште Ханкокышто «Finlandia калыкле фонд» финн-угор калык-влакын тӱвыра кылыштлан да икгай вожыштлан пӧлеклалтше репортаж серийым савыкташ тӱҥалын. Тидын нерген тӧнеж шке тӱшкаштыже Facebook мервотышто увертара.

14-ше февральыште, Шнуй Валентинын кечынже, ий еда эртаралтше «Йӧратымашын уло юзо вий» пайрем концерт М. Шкетан лӱмеш марий кугыжаныш драме театрын сценыштыже лиеш. Йӱла почеш тудым «Кугарня» газет редакций эртара.

Марий Эл У Роҥго район Ӱшнӱр селаште кодшо ийын ноябрь тылзыште администраций ден ялысе клубын оралте омсажым виш ыштен. Тидын нерген «Марий Эл» газет увертара.

Эстоний рӱдолан «Пирита» каныме рӱдерыштыже 6-шо гыч 31-ше чатлама марте «Финн-угор шкевуялыклан – 100 ий» куснылшо ончер эрта. Тудо родо-тукым калыкна-влакын эрыкан лияш тыршымыштын историйыштлан пӧлеклалтын.

Теле тылзын 13-шо кечынже Йошкар-Олаште «Марий теле» фестивальым пайремлын почыныт. Тудо кум тылзе шуйна, увертара «Кугарня» газет.

Российыште, финн-угор тӱняште кумдан палыме марий шанчызе-этнолог Тамара Лаврентьевна Молотован (16.05.1956–01.12.2025) шӱмжӧ кырымым чарнен, увертара «Марий Эл» газет «КонтактЫште» мервотышто.