МЭТР телеканалын «Марий Эл ТВ» блокшын 30.01.2020 ий «Актуалле интервью» передачыже марий почеламутчо, Олык Ипай лӱмеш премийын лауреатше, Юграште илыше марий-влакын «Марий ушем» регионысо мер ушемыштын вуйлатышыже Раисия Сунгурова дене интервьюм темла. Читать далее
Filed under Видео, Сылнымут, Тӱвыра да сымыктыш, Фото-влак
Тӱҥалтышым тора Хант-Манси кундем пыштен. Нижневартовск, Пойковский, Пыть-Ях, Лянтор, Нефтеюганск, Советский, Нягань, Югорск, Ханты-Мансийскыште илыше марий-влак 14 декабрьыште Сургут олаште погыненыт да «21 курым. Югра марий-влак. Шке йӱла, йылме, тӱвыра ойыртемым вес калык-влак коклаште арален кодымаш» лӱман конференцийым эртареныт. Читать далее
2019 ий 3 августышто Волжский район Руш Шайра (Шарибоксад) да Курыкйымал ял коклаште, Мӱшыл (Морской глаз) ер воктене – Муро, поэзий, куштымаш VIII Фестиваль.
Ты кугу мероприятийым марий мер пашаеҥ-влак, Юлсер кундем муниципальный образованийын администрацийже, районысо тӱвыра пӧлка иквереш эртарат. Пайрем республик кӱкшытан. Читать далее
Filed under Увертарымаш-влак, Uncategorized
Марий йылмым туныктышо-влаклан,
Марий йылме верч чот шогышо-влаклан,
Марий ача-ава-влаклан,
Шочмо марий йылмынам арален кодаш тыршыше кажне марий еҥлан
Пагалыме марий айдеме!
Тений 30 январьыште «Марий ушем» мер организаций шочмо марий йылмынам арален кодымо йодышлан пӧлеклалтше «йыргешке ӱстелым» эртарыш. Тиде уверым колында, йодышым каҥашенда, шонена. Читать далее
Filed under Артикль-влак
Тений «Марий ушемын» эртарыме Агавайремже 29 майыште лиеш. Тудо 10.00 шагатлан тӱҥалеш.
Тумер отысо Агавайремыш тӱҥ шотышто Йошкар-Олаште илыше-влак чумыргат. Тыгак кажне ийын Медведево, Оршнаке, Советский, Кужеҥер, Марий Турек, Волжский да моло районла гычынат юмынйӱла пайремышкына толыт. Читать далее
Filed under Увер-влак, Фольклор да йӱла
Марий Юмынйӱлан рӱдо ушемже (МЮРУ) дечын онаеҥым колташ йодмо серышлан вашмут таче марте эше толын огыл гынат, «Юмарий» школ пашажым палемдыме расписаний почеш ыштен шога.
Пытартыш кум занятийым тунемше-шамыч онаеҥ дечын посна, шкевуя эртарышт. Читать далее
Filed under Увер-влак
Эртыше рушарнян Хант-Манси автономий йырвелын Сургут районжын Федоровский посёлкыштыжо верланыше «Марий Ушем» 10 ий пашам ыштымыжым палемден.
Пайрем кече, Марий тӱвыра кече лӱмым нумалын да верысе «Премьер» лӱман тӱвыра пӧртыштӧ шке поро унажым поген. Мутат уке, марий калыкым кеч куштат пагалат да ойырен ончат. Садлан, толшо-влак коклаште марий да руш веле огыл моло калыкат лийыныт. Читать далее
Filed under Артикль-влак
2015 ий мучашыште, У ий водын, 30 декабрьыште «Марий ушем» мер организаций пелен «Юмарий» юмынйӱла школ пашам ышташ тӱҥалын. Школышко марий юмынйӱлам келгын да кумданрак пален налаш шонышо самырык еҥ-влак погыненыт. Туныкташлан кумалын шогышо онаеҥ-влак Юрий Дмитриевич Тушнурцев дене Вачеслав Михайлович Актугановым ӱжмӧ. Палемдыме план почеш, Читать далее
Filed under Увертарымаш-влак
«Марий ушем» пелен 2015 ий декабрь тылзыште «Юмарий» юмынйӱла школ почылтын. Таче кече марте 3 урокым эртарыме. Самырык рвезе-влакым палыме онаеҥже-влак Йошкар-Ола гыч Тушнурцев Юрий-иза да Кужеҥер район гыч Актуганов Вячеслав туныктат.
«Юмарий» юмынйӱла школыш кызытеш 5-6 рвезе коштеш. Нуно онаеҥ-влакын каласкалымыштым колыштыт, йодыш-влакым пуэдат, ончыкшым йӱлам практически шукташ ямдылалтыт. Читать далее
29 январьыште Марий калыкын X Погынышкыжо делегат-влакым сайлымаш амал дене «Марий ушемын» еҥже-влак У Торъял да Шернур районласе коференцийлаште лийыныт.
Тиддеч ончыч Кужеҥер да Морко районлаште лийын улына ыле. Но Мер Каҥашын южо еҥжылан тиде огеш келше. Нуно марийушемзе-влак ваштареш тыгай шылтыкым кычалыт: «Молан те Мер Каҥашын Марий погынлан ямдылалтме пашашкыже ушнен огыдал, а калыкым луген коштыда?!» Читать далее
Filed under Артикль-влак, Видео
MariUver 