Tag Archives: Марий Эл

Идым тылзын 27-ше кечынже Марий Элнан рӱдолаштыже Угинде пайрем эртаралтеш. Тений тудо уна-влакым икымше гана Марий паркыште чумыра. Пайремыште калык йӱлам ончыктымаш, концерт, мастарлык-класс, модыш-влак, ярмиҥга лийыт, районла гыч толшо фольклор ансамбль-влак мастарлыкыштым ончыктат, увертара «Марий Эл» газет.

Сӱрем, эрвел марий-влак тудым Кӱсӧ маныт, акрет годсо чимарий пайрем улеш. Тений тудо 10-шо июльышто тӱҥалеш да 17-ше марте шуйна.

Тальянке – итальянка мут гыч лектын. Тудым Европышто 1822 ийыште немыч мастар Фридрих Бушман шонен луктын. Вара семӱзгар XIX курым мучаште Российыш логалмеке, вашталтын. Тидын нерген Рамис Латипов Facebook мервотышто ойла.

Тыге маналтеш Светлана Алексееван икымше прозо книгаже. Тиде изданийыш пурышо произведенийлаште автор ончыл верым тӱҥ шотышто ӱдырамашлан ойыра, увертара Марий книга савыктыш «КонтактЫште» мервотышто.

1909–1917-ше ийлаште Иван Ключников-Палантай (24.04.1886–11.06.1926) Пермь губернийысе Усолье да Лысьва олалаште илен да пашам ыштен. Тушто тудо Сулий вӱд воктен илыше марий-влак денат палыме лийын да нуным илыме верлашкат миен коштын.

Марий самырыктукымын XVIII пӱтынрушэлысе слётшым эртарыме жап пале лийын. Мероприятий Марий Элын рӱдолаштыже 6 гыч 11 июль марте эрта. Тидын нерген президиумын шукерте огыл заседанийжым иктешлыме почеш Марий мер каҥашын еҥже-влак увертареныт.

Марий Элын Олык Ипай лӱмеш кугыжаныш самырыктукым премийжым 2025–2026 ийлан пуымо шотышто республикым вуйлатыше пеленысе комиссийын икымше заседанийже эртен.