Марий калык погыныш делегат-влакым сайлат

Jugra_mari_pogyn_04

Тӱҥалтышым тора Хант-Манси кундем пыштен. Нижневартовск, Пойковский, Пыть-Ях, Лянтор, Нефтеюганск, Советский, Нягань, Югорск, Ханты-Мансийскыште илыше марий-влак 14 декабрьыште Сургут олаште погыненыт да «21 курым. Югра марий-влак. Шке йӱла, йылме, тӱвыра ойыртемым вес калык-влак коклаште арален кодымаш» лӱман конференцийым эртареныт.

Саламлымаш мутым Сургут олан тӱвыра да туризм комитетын вуйлатышыже Владимир Фризен ойлен. Тудо палемден, марий-влак моткоч чолган да талын шкеныштым ончыктат: «В нашем городе около 30 национальных общественных организаций. Марийцы заявили о себе сразу и ярко, остальные входили в общественную орбиту плавно».

Марий Эл Республик гыч погынышто Оньыжа, Марий Мер каҥаш вуйлатыше Эдуард Александров да тудын алмаштышыже, «Марий Сандалык» журналын тӱҥ редакторжо Валерий Мочаев лийыныт.

Оньыжа Югра кундемысе «Марий ушем» вуйлатыше Раисия Сунгуровалан Марий Эл Республикысе тӱвыра, печать да калык-влакын пашашт шотышто министерствын «Иван Петрович Петров (1893-1938). Марий Эллан шӱдӧ ий темме лӱмеш «Калык верч тыршымаш»” шарнымаш медальым кучыктен. Тыгак марий йылмым, тӱвыра поянлыкым арален да вияҥден шогымылан Марий Мер каҥашын Чап таныкше дене «Марий ушемын» пӧлкалажым вуйлатышыже-влакым суапландарен. Нунын коклаште Юрий Таныгин Федоровский ола гыч, Альберт Акушев — Нижневартовск ола, Нелла Хисанова — Лянтор ола, Людмила Краснова — Салым села Нефтеюганск.

Хант-Манси кундемыште илыше марий-влак XI Марий калык погыныш делегат-влакым сайленыт. Тыге шым тӱжем утла марий гыч вич чолгаеҥже (Альберт Акушев, Раисия Сунгурова, Александр Саметов, Алексей Ибашев, Алена Актуганова) делегат семын, вӱдшор тылзын, Йошкар-Олашке толыт.

Делегат-влакын спискышкышт, кудымшо еҥ семын, Анатолий Алексеев, кызытсе Марий Мер каҥашын еҥже пура, увертара Марий мер каҥаш «КонтактЫште» мервотышто.

Югра марий-влакын икымше погынышт Сургут ола администрацийын полшымыж дене эртен.

MariUver

Фотосӱрет-влакым «КонтактЫште» социалле вот гыч налме

Оставьте комментарий

Filed under Увер-влак, Фото-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s