Category Archives: Артикль-влак

Станислав Шакиров пытартыш ийлаште посна концертше денат, марий мероприятийлаштат шуэн койын.

Телым Станислав дене пырля пошкудо кундемысе марий-влак дене гастрольышто лияш логалын. Ик суртышто ӱстел йыр уна лийме годым тудым эскерышым. Артистын мыскара койышыжо улмым шижым. Уке-уке да ончычсо гастрольлаште лийше воштылчыкым, кочажын ойлымыжым шарналта. Читать далее →

Марий писатель ушемлан 75 ий темме вашеш

В.Крылов (покшелне) конгресс годым пресс-конференцийыште

Финн писательница Лээна Лаулайайнен (Leena Laulajainen) шинчанужшо семын Николай Фёдорович Рыбаковлан шкаланжак ойлен: «Марий писатель ушемыште тый пытартыш вуйлатыше лият». Тидым мылам Рыбаков шке каласыш коктын шинчаваш кутырен шинчымына годым.

Финн ӱдырамаш тунам, очыни, кугыжаныш политикым шотыш налын тыге ойлен, но шомакше чыныш лекте, илыш пеҥгыдемдыш. Читать далее →

тыгай öрыктарыше шонымашке шуын Масканур* районысо Кыдал Озакъялыште илыше Григорий Ласточкин

Шке жапыштыже политехник институтым чодыра паша инженер семын тунем лектын, проект институтышто ыштен, кызыт — сулен налме канышыште. Тудо индеш ий наре шке тукым вожшым шымла. Латкуд тукымым кычал муын. Шкенжын ойлымыж почеш, тыгай лектышыш шушыжо республикыште укеат, векат, молан манаш гын мемнан архивыште 1630-1650 ийла марте веле материалым муаш лиеш. А тудо умбакырак каен: Озаҥысе, Кировысо, Санкт-Петербургысо архивлаште материалым кычалын. Шымлымаш пашам эртараш тудлан кок ӱдыржат полшат. Таче ты ура чонан еҥ — «Марий Элын» унаже. Читать далее →

«Чарша шойыч» страницын кодшо номерыштыже татар ӱдыр Сания Рамайын марла мураш тӱҥалмыж нерген возенна ыле. А таче тудын дене тендам, пагалыме лудшына-влак, лишкырак палымым ыштена. Кö тудо тыгай, марла мураш тӱҥалаш мо таратен — рашемдаш тыршена.

Сания Киров область, Лебяж районышто шочын. Но изи улмыж годымак ешыже Параньга поселкыш илаш куснен. Кызыт тудо шке ешыж дене (пелашыже да икшывыже-влак дене) Йошкар-Олаште ила. Читать далее →

Марий книга савыктыш Рушэлысе ончер рӱдерыште* эртыше «Российын книгаже» ХII калыкле* ончер-ярмиҥга гыч “Российысе финн-угор калык-влакын экспозицийыштын участникше” диплом дене пöртылын.

Ярминга ынде 1998 ий годсек эртаралтеш. Тушко книгам савыктыше, шаркалыше, Читать далее →

Пагыт! Теве мо чылалан куатле оза улмаш! Шочмо калыкнан эн лӱмлö айдемыжлан тудо шӱдö ийым кучыктыш. Шернур район, Оно Морко Купсолан эргыже лӱмлö поэт да тӱнямбалне чапланыше киноактер Йыван Кырлан шочмыжлан 17 мартыште ик курым теме.

Тидын вашеш Шернурышто Николай Заболоцкий лӱмеш кокымшо номеран кыдалаш школышто «Йыван Кырла лудмаш» икымше шанче-практик* конференций эртен. Читать далее →

Айдеме воштылде илышаш огыл! Мыскара кумылан еҥын ӱмыржат кужу лиеш. Очыни, айдеме шке илышыштыже кочо да неле пагытла дене ынже кӱэмалт манынак, 1 апрельым Воштылмаш кечыш савыреныт. Ты кечын кеч-мыняр еҥым порын ондалаш, мыскарам ыштышыла, тупела ойлышташ, ӱнар пытымеш воштылташ да шкежат шинчавӱд лекмеш утен каен воштылаш лиеш. Читать далее →

Марий муро нерген мутым лукмеке, ушышко марий сылнымутчо-классик Сергей Григорьевич Чавайнын курымашлык чын шомакше толын перна: «Кеч мутшым нал, кеч семжым нал — яндар шöртньö». Тыгай шöртньö чон поянлыкна уло гын, тудо калыкнам пойдарышаш, чапландарышаш.

Таче марий сем тӱняште, сымыктышыште* ик йодыш утларак да утларак пӱсын палдырна, Читать далее →

Тӱп-тӱп тӱмырет,
Риа-риа шӱвырет,
Сылне семже йоҥгалтеш,
Тӱня мучко шергылтеш.

Сылне марий сем эртыше шуматкечын тӱня мучко огыл гынат, Йыван Палантай лӱмеш тӱвыра ден сымыктыш колледжын Йошкар-Оласе Пушкин уремыште верланыше пӧртыштыжӧ кумдан йоҥгалте. Читать далее →