Марий книга-влакым Моско ярмингаште ончыктеныт

dementjevaМарий книга савыктыш Рушэлысе ончер рӱдерыште* эртыше «Российын книгаже» ХII калыкле* ончер-ярмиҥга гыч “Российысе финн-угор калык-влакын экспозицийыштын участникше” диплом дене пöртылын.

Ярминга ынде 1998 ий годсек эртаралтеш. Тушко книгам савыктыше, шаркалыше, полиграфист, библиотекарь, кагазым ыштыше, финансист-влак (чылаже 1000 организаций) Россий Федерацийыште илыше калык-влакын йылмышт дене 100  тӱжем тӱрлö книгам намиеныт.

Регионласе савыктыш коклаште калыкле-влакат шкеныштым выставка, стенд гоч палдареныт. Тылеч посна презентаций, «йыргешке ӱстел», автор-влак дене вашлиймаш-шамыч лийыныт. Икте-весышт коклаште ойпидышым пеҥгыдемденыт.

Марий книга савыктышын директоржо Лидия Ильинан палемдымыж почеш, 2007-2009 ийлаште лукмо 65 тӱрлö сылне книгам намиеныт. Нунын радамыште йоча, руш, марий (олык да курык) йылме дене литератур, тунемме да методике пособий-влак лийыныт.

Ярмиҥгаш толшо-влак Марий Элын выставкыж йыр поснак пöрдыныт. Тыште марий вургеман озавате вашлийын, книга-влакым шергалаш темлен. Кнагагудо* пашаеҥ-влак поснак мутерым, культур, сымыктыш, кидпаша дене кылдалтше книга-влакым кумылын онченыт да шканышт налыныт.

Теве Н.Некрасов лӱмеш Рӱдö универсал шымлыше библиотекын Российысе да йот элласе калыкле* литератур пӧлкажын пашаеҥже-влак ятыр книгам шке фондышкышт налаш кумылан лийыныт. Тылеч посна Интернет-кевыт-шамычлан историй, марий йӱла, кундемшанче* дене кылдалтше  книга-влак кӱлеш лийыныт.

Марий книга савыктышын площадкышкыже Москошто илыше олык, курык да эрвел марий-влакат миеныт. Арня жапыште эртыше ярмиҥгаште Марий Эл гыч кондымо ончерым кӱлеш семын чумыраш да ончыкташ Россий Федерацийын Каҥашыштыже Марий Элын ӱшанеҥже Наталья Дементьева уло кумылын полшен.

Светлана ПЕХМЕТОВА

Снимкыште: Москошто ончер-ярмиҥга годым Л.Ильина ден Н.Дементьева

*Рушэлысе ончер рӱдер — Всероссийский выставка рӱдер, кнагагудо — библиотека, калыкле — национальный, кундемшанче — краеведений

Налмывер: «Марий Эл» газет

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s