Тений шошым Марий Элын калык артистше Андрей Андрианов шкенжын 70 ияш лӱмгечыжым палемдыш.
А тидлан пӧлеклалтше касым Марий самырык театр 10 ноябрьыште эртарыш. Калыклан «Чодыраял Элыксандр» (Т.Минуллин) шӱлыкан комедийым темлыш. Тушто тӱҥ рольым Андрей Андрианов модо.
Шындык* деч вара тудым лӱмгечыж дене родо-тукымжо, йолташыже, землякше, студентше-шамыч саламлышт. Читать далее
Ынде 18 ий почела курык марла мурышо-влакым «Мыры» эстраде муро фестиваль-конкурс шке йырже чумыра.
У ий вашеш Курык марий районышто илыше калыклан тиде — моткоч кугу пӧлек да пайрем. Калыклан веле огыл, тыгак поэт, композитор-шамычланат. Цикмäште гала-концерт южгунам кок-кум кече почела аншлаг дене эрта. Калык шке мурыжым, тӱвыражым тынар чот йӧрата. А февральыште тыгаяк концерт Йошкар-Олаште калыкым пога. Читать далее
Filed under Артикль-влак, Видео
Самырык пагыт – мондалтдыме. Весела койыш-шоктышан ӱдыр-рвезе-влак таче шукын вашлиялтыт. «Олма чевер, олма чевер, олма чевер путырак, олма дечын, олма дечын марий ӱдыр чеверрак», — тыге муралташ марий рвезе эн чолга.
Йорга каче-влак кокла гыч иктыже – Марий кугыжаныш университетысе физика ден математика пӧлкан студентше – Андрей Кузьминых. Тиде рвезе нерген шуко оҥайым каласаш лиеш. Андрей — тале математик, информатика денат кылым пеҥгыдын куча. Самырык-влак коклаште тудым Андрий-мундрий семын палат. Муралта, кушталта, а ӱдыр чоным йӱлалташ эн мастар. Андрей 1988 ий 2 мартыште Параньга район Усола ялыште шочын. Пӱртӱс лоҥгаште модын куржталын, сем деке кечын кумылаҥын. Читать далее
Filed under Артикль-влак
Шукерте огыл кугу, кумда элнан касвел рÿдолаштыже – Санкт-Петербургышто пошкудо Финляндийын тÿвыра рÿдерже почылто. Тушко тиде событийым палемдаш Владимир Путин лÿмынак миен. Мыланна, марий-влаклан, финн калыкын тыгай сеҥымашке шумыжо, шкенжым уло тÿнямбал калыклан, япон калык гаяк, сай могырым ончыктен моштымыжлан кугешныман да нунын илыш опытыштым шымлыман, поснак тачысе самырык-влаклан. Ме вет ала-кунамак, тÿжемле ий ончычак, ик тÿшкаште вер гыч верыш вольыкна почеш кусныл коштшо калык лийынна. Лудшо-влак манын кертыт: у-у-у… тиде кунамак лийын? Ме кушто, а финн-влак кушто илат?! Йылмынат ойырлен пытен. Читать далее
Filed under Артикль-влак
12-шо гыч 18-ше октябрь марте Эстонийыште Родо-тукым кече-влак эртат. Пайремыш Марий Эл гыч Волжск районысо У-Тумер ял «Тумо» ансамбльым ÿжмö. Марий-шамыч Пылва уездысе школлаште концертым ончыктеныт. 15 октябрьыште нуно Ахья кыдалаш школышто выступатленыт: Читать далее
Filed under Фото-влак
«Эрвелмарий-влакын ÿшаныштым сулаш тыршышна», — маныт «Интерфолк» фестивальыш миен толшо «Ош виче сем» ансамбльын участникше-влак.
28 сентябрьыште ме Санкт-Петербургын кÿртньыгорно вокзалышкыже миен волышна. Мемнам Санкт-Петербург ола да Ленинград область марий-влакын землячествыштым вуйлатыше, тале мер пашаеҥ Станислав Дигитаев вашлие. Читать далее
Filed under Артикль-влак
Тений 11 октябрьыште республикыштына Визымше созыв Кугыжаныш Погынын да верысе самоуправленийын органлашкышт депутат-влакым сайлымаш эрташ тÿҥалеш. Марий Элысе Кугыжаныш Погыныш 52 депутатым сайлаш тÿҥалына. Тышечын пелыже тÿрлö партийна гоч эртат гын, вес пелыже ик мандатан округла гыч сайлалташ тÿҥалыт.
Кугыжаныш кучемын законодательный органышкыже сайлалтше депутат-влак республикына сайын вияҥже, ончыко ÿшанле ошкылым ыштыже манын, закон-влакым луктыт, ончыкылыклан тÿрлö программа-влакым пееҥгыдемдат. Читать далее
Filed under Артикль-влак
Тӱвыра илыш нужналыкым, укелыкым огеш пале. Тудо кеч-кунамат эн тутло эм гай: чыла йӧсым, ойгым мондыктара, волышо кумылым кӱшкӧ нӧлталеш, чоным шулдыраныш савыра да эрласе кечыш вончаш вийым пуа. Чыла тыгай сомылым лач пашалан кожмак да илышым йӧратыше еҥ-влак гына шуктен кертыт.
Республикысе Калык усталык да тӱвыра ден каныме пашан шанче-методик* рӱдерын вуйлатышыже Тамара Дмитриева (снимкыште) дене ты аланыште гӱжлышӧ паша нерген мутым вашталтена. Читать далее
Filed under Артикль-влак, Видео
Марий тÿвыра да сымыктыш аланыште тыршыше мастар-влак кеҥеж жапыште каненыт веле огыл, южышт эше тӱрлö кундемышке миен коштыныт, шке усталыкышт дене палдареныт. Ик тыгай тӱшка августышто эсогыл Сербийыш шумеш корным кучен. Тышкыже лӱмлö художник Иван Ямбердов, тудын коллегыже Сергей Алдушкин, уста музыкант Арсений Яйцов да Фаина Эшмякован вуйлатыме кӱслезе трио (тушто самырык семмастар-влак Таня Емельянова ден Алена Данилова шоктат) пуреныт. Читать далее
Filed under Артикль-влак
Шöртньö шыже кечын икымше йыҥгыр тÿжем дене икшывым, студентым парт коклаш пуртен шындыш. Студент радамыш ушнышо ÿдыр-рвезе-влаклан тений молгунамсе деч ойыртемалтше корным эрташ – тÿҥ шотышто иктешлыше кугыжаныш экзаменын лектышыж дене тунемаш пураш — вереште. Тидлан школышто экзамен тургым тÿҥалме марте ончыкыжым налшаш специальностьым да вузышко тунемаш пураш могай предметын кÿлешлыкшым рашемден шуктыман лийын. Читать далее
Filed under Артикль-влак
