Андрий-мундрий калыкым куандараш тырша

Самырык пагыт – мондалтдыме. Весела койыш-шоктышан ӱдыр-рвезе-влак таче шукын вашлиялтыт. «Олма чевер, олма чевер, олма чевер путырак, олма дечын, олма дечын марий ӱдыр чеверрак», — тыге муралташ марий рвезе эн чолга.

Йорга каче-влак кокла гыч иктыже – Марий кугыжаныш университетысе физика ден математика пӧлкан студентше – Андрей Кузьминых. Тиде рвезе нерген шуко оҥайым каласаш лиеш. Андрей — тале математик, информатика денат кылым пеҥгыдын куча. Самырык-влак коклаште тудым Андрий-мундрий семын палат. Муралта, кушталта, а ӱдыр чоным йӱлалташ эн мастар. Андрей 1988 ий 2 мартыште Параньга район Усола ялыште шочын. Пӱртӱс лоҥгаште модын куржталын, сем деке кечын кумылаҥын.

— Андрей, сем аланыш тошкалтышым ышташ кӧ полшен?

— Авам Усола ялысе тӱвыра пӧртын вуйлатышыжлан пашам ышта. Тудо моткоч уста. Изи годсек эре пеленже коштынам. Концертлашкат пырля налын. Ачамат пеш весела, муралташ да кушталташ вуйым пуа. Ик жап клубыштына диджей сомылым шуктышо уке ыле. Тыге кандашымше класс гыч ты пашам мый шке кидышке налынам. Иктаж шым ий наре Усола клубышто пашам ыштышым. Ончыч кассетан магнитофон ыле. Кассетым модыктылынам веле. Иктым луктат, весым шындет. Шукырак мутайкалет гын, «клубышто илыш чарна». Тыге кид писылык вияҥын. Кид веле огыл, ушат пеҥгыдемын.

— Йодыш лектеш: молан тый информатикым ойырен налынат, а сем дене илышетым кылден отыл?

— Изи годсек математикым чот йӧратенам. А сем дене яра жапем сӧрастаренам. Руш манмыла, сем – тиде мыйын хобби. Школышто тунеммем годым «Большая перемена» группышто пералтыме* установко дене шоктенам, кокланже муренамат. Тыге сценыште калык ончылно шкем кучаш тунемынам.

— Андрей, Марий тӱвыра рӱдерыш йӱк операторлан пашам ышташ кузе логалынат?

— Тушто лач ты пашам шуктышо еҥ кӱлеш манмым колынам. Садлан, шуко шоныде, каен ончышым. 26 июньышто йӱк оператор семын пайрем касым эртараш полшышым. Тыге Йошкар-Олаште диджей сомылемым шуем.

— Тый вашке кӱкшӧ образованийым налын лектат, корнетым мо дене кылдаш шонет?

— Жап ончыкта. Программистат лийнем, диджей пашамат шуымо огеш шу. Марий ӱдыр-рвезе-влакым умбакыжат куандарынем.

Кызыт весела качына «Автодор» тӱвыра пӧртыштӧ марий дискотекым, ретро касым эртарымаште тырша. Вет кеч-могай пайрем годымат тӱҥжӧ — весела да сылне сем. Андрий-мундрий калыкым тӱрлын куандараш тырша. А йырым-йырже эре чевер ӱдыр-влак пӧрдыт. Эше школышто тунеммыж годымак куд ӱдыр коклаште фараон семын коштын. А кызыт чылт султан веле!

Андрий-мундрий гай весела да чолга рвезе-влак шукырак лийыт гын, илыш оҥайын эрта манын ӱшанена. Марий диджей Андрий-мундрий весела ныжыл сем почеш кушталташ чыланнамат ӱжеш.

Ольга Савинова,
МарГУ-н студенткыже

Налмывер: «Кугарня» жаплышташ

*пералтыме — ударный

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s