2009-ше ий мучашке лишемеш. Ме, Санкт-Петербург марий-влак, тудым поро шомак дене гына ужатена — вет тиде ий мыланна арам ыш эрте.
Мемнан марий землячествына моло калык-влакын ушемышт дене пырля мер пашашкат, спорт таҥасымашкат чолган ушныш. Теве 17 октябрьыште Санкт-Петербургысо Национальность-влак пöрт Лиговский проспектеш верланыше Кинде музейыште «Шуко национальностян олан киндыже» программа кышкарыште Марий кочкыш выставкым эртарыш. Уна-влак мемнан калыкын ямдылен намийыме подкогыльым, пÿктышым, мелнам, коман мелнам да мÿй пÿрым уло кумылын тамлышт. Мучашлан ямле тальянка семымат йоҥгалтарышна. Читать далее
11 декабрьыште Мишкан села марий калыкын кугу пайрем рÿдышкыжö савырныш. Тыште республикысе «Мурпеледыш» фестивальын пытартыш этапше эртыш. Пайремыш Башкортостаныште марий-влакын тÿшкан илыме чыла район гычат коллектив-влак толыныт ыле. Тыгак республик да районла гыч мер пашаеҥ, тÿвыра рÿдер*, верысе ялсовет администраций вуйлатыше, школ директор да моло еҥ-влакат лийыныт. 
(Joulupuu on rakennettu)
А. Смедберг
Эстонийыште илше марий-влак 12 декабрьыште Тартушто Марий тиште кечым палемдат. Пайрем Тарту Университетын тÿҥ пoлатыштыже (Ülikooli 18), Финн-угор пöлкан 234-ше пöлемыштыже 15.00 тÿҥалеш.
2 декабрьыште, Суомин рÿдолаштыже, Хельсинкиште, «Ош Юмын ÿдырышт-влак. Марий ÿдырамаш модернизаций корнышто» (Valkoisen Jumalan tyttäret. Marilainen nainen ja modernisaatio) книган презентацийже лиеш.
Икымше марий киноактриса Валентина Смирнова ынде ятыр ий Санкт-Петербургышто ила. Шочмо кундемышкыже чӱчкыдын толын кая. 2007 ийыште тудым «Марий Элын сулло артисткыже» чап лӱм дене палемдышт.
