Марий сылнымутчо Раисия Сунгурова «Кава вола копаш» шке у книгаж дене Таллинныште да Тартушто палдарен. Да эрла ты почеламут погынак Йошкар-Олаште презентацийже лиеш.
Эстонийын рӱдолаштыже шукерте огыл лекше савыктыш дене теле тылзын 15-ше кечынже Таллинн оласе тоштерын «Кик ин де Кӧк» башньыштыже эстон «Фенно-Угрийын» ий мучашысе мероприятийыштыже ойленыт. Читать далее
16-шо ноябрьыште М. А. Кастрен ушемыште Марий тиште кече, Финляндийын эрыкан лиймыжлан 100 ий темме вашеш погынымаш эртен. Тыште Светлана Элембаевам финн-влакым марла ойлаш туныктымо «Олмапу» книгажын лекмыж дене саламленыт. Тудым шукерте огыл Финн-Угор Ушем савыктен. Читать далее
Filed under Артикль-влак, Фото-влак
Кодшо кугарнян, 10 ноябрьыште, Тарту университетыште ик одо да ик марий докторлык пашаштым аралышт.
12:15 удмурт Николай Анисимов ««Диалог миров» в матрице коммуникативного поведения удмуртов» шке шанче пашаж дене палдарыш. Вара тудын икымше оппонентше эстон шымлызе Аадо Линтроп мутым нале. Кокымшо ӱчашыше семын Удмурт университет гыч йылмышанче кандидат Галина Глухова лийын. Читать далее
Шыжа тылзын 20-шо кечынже «Куат» марий группо Тартушто лийын да концертым ончыктен.
Тартуш уна-влак эрденымак толыныт. Нуным «Тарту марий-влак ушемын» чолгаеҥже Васли Николаев вашлийын. Организацийын пӧлемжым ончыктен.
Кечывал кочкыш деч вара ансамбльын еҥышт-влак Эстон калыкле музей дене палыме лийыныт. Читать далее
Filed under Видео, Марий муро, Музык, Увер-влак, Фото-влак
Таче Эстонийыште Финн-угор арня тӱҥалын. Пайремыш Марий Эл гыч «Куат» ансамбль толын да икымше кечынак кум вере концертым ончыктен.
Коллективын еҥже-влак Тарту олаш эрденым автобус дене толыныт. Тушеч нуным Пылвамашке, Ныошко, наҥгаеныт. Ансамбль ончыч Ныо тӱҥ школышто шке мастарлыкшым ончыктен, вара Ныо гимназийыште. Читать далее
Filed under Марий муро, Увер-влак, Фото-влак, Uncategorized
Таче, 10 октябрьыште, Таллинн воктен улшо изи Сауэ олан Кечывал рӱдерыштыже Жанна Тохтын выставкыжым почыныт.
Акварель ончер почмашке верысе калык толын. Анна Мишина марий мурым мурен да Инга Погонина ия ковыжым шоктен. Рӱдел пелен улшо «Rukkilill» (Кандывуй) ансамбль вуступатлен. Читать далее
Эстонийын рӱдолажын Ратуше площадьыштыже кодшо каныш кечылаште марий-влак дене лишкырак палыме лияш йӧн лийын.
Кажне ийын эртыше Этноярмиҥга теният кок кечым шуйнен — 23 да 24 сентябрьыште. Моло калыкле ушем-влак дене пырля Эстонийыште улшо кок марий организацият тушто шкеныштым ончыктеныт: Тарту марий-влак ушем да Таллин марий ушем. Читать далее
Filed under Артикль-влак, Видео, Фото-влак
Лу ий наре пашам ыштыме деч вара англичан йылме дене возымо «Оҥай марий йылме: A Comprehensive Introduction to the Mari Language» («Оҥай марий йылме. Тӱҥалтыш курс») тунемме книган тичмаш версийжым савыктыме нерген куанен увертарена. Икымше ужашын ондакысе версийже эше 2010-ше ийыштак ош тӱням ужын. Читать далее
Filed under Увертарымаш-влак, Фото-влак
4 ноябрьыште Одо кундем Карагӧл район Шопкер ялыште «Айста, марла кушталтена» флешмоб эртен.
Тиде флешмоб регион-влак кокласе проектын ужашыже улеш. Тудым эше сорла тылзын VIII Марий самырыктукым слётышто «Ӱжара» лужан участникше-влак шонен луктыныт да илышыш шыҥдараш шонен пыштеныт. Читать далее
24 сентябрьыште, йӱдвел кундемыште, Ханты-Мансийск олаште марий литературын кечыжым палемденыт.
Кече ий еда эртыште «Шуко сынан Югра» проектын кышкарыштыже лийын. Проектын озаже поэт Любовь Геннадьевна Лыткина, «Юграсе интеллектуал да творчестве вий ассоциаций» ушемын тӱҥ еҥже. Читать далее
Filed under Артикль-влак, Фото-влак, Uncategorized
MariUver 