4 ноябрьыште Одо кундем Карагӧл район Шопкер ялыште «Айста, марла кушталтена» флешмоб эртен.
Тиде флешмоб регион-влак кокласе проектын ужашыже улеш. Тудым эше сорла тылзын VIII Марий самырыктукым слётышто «Ӱжара» лужан участникше-влак шонен луктыныт да илышыш шыҥдараш шонен пыштеныт.
Проектын цельже: марий калыкын тӱвыражым моло калык коклаш куштымаш гоч шараш.
«Айста, марла кушталтена» флешмобыш Шопкер калык изижге-кугужге ушнен. «Эрвий» ансамбль шке мастарлыкшым ончыктен.
Мероприятий веселан да икоян эртен.
Марий калык шке тӱвыражым араленак шога. Ялысе калыкын марий улмо дене кугешнымышт тиде флешмоб гыч раш коеш, возат «Усть-Сакла (Шопкер Ял)» группын еҥже-влак «КонтактЫште».
Видеом пайрем гыч «КонтактЫште» ончыза >>
MariUver
MariUver 
Вот они,Шопкеряловцы, молодцы! Не то что в Йошкар-Оле! Не умеют проводить у нас меропрития…