Кок финн-угор докторлан шукырак лие

Doktor_Anisimov_Alybina_17Кодшо кугарнян, 10 ноябрьыште, Тарту университетыште ик одо да ик марий докторлык пашаштым аралышт.

12:15 удмурт Николай Анисимов ««Диалог миров» в матрице коммуникативного поведения удмуртов» шке шанче пашаж дене палдарыш. Вара тудын икымше оппонентше эстон шымлызе Аадо Линтроп мутым нале. Кокымшо ӱчашыше семын Удмурт университет гыч йылмышанче кандидат Галина Глухова лийын.

14:15 марий Татьяна Алыбина «Трансформация марийской религиозной традиции в постсоветский период» докторлык пашажым арален. Оппонент семын Парижысе INALCO институтын профессоржо, Тарту университетын этнологий кафедре шанче пашаеҥже Эва Тулуз да Австрий гыч Инсбурк университет гыч философий доктор Татьяна Миннияхметова лийыныт.

Э. Тулузын Т.Алыбина деке шуко йодышыжо лийын. Тыгак аралымашке Финляндий гыч философий доктор Лидия Тойдыбекова лӱмынак толын да Танян пашажын кӱлешлыкшым палемден. Тарту марий-влак ушем вуйверым вуйлатыше Васли Николаеват темын йӧсылыкшӧ да марий юмын йӱлам шанчын шымлаш кӱлмӧ нерген ойлен.

Комиссий кок аралышыланат доктор шанче лӱмым пуаш пунчалын.

Тыге эше кок докторлан финн-угор тӱняште шукырак лие. Т.Алыбина ден Н.Анисимов коктынат Эстонийын родо-тукым программыж почеш докторантурышто тунемыныт да стипендийым налын шогеныт. Татьянан шанче вуйлатышыже Арт Леэте лийын, Николайын — Мадис Арукаск.

 

MariUver

Фото авторын да Etnoloogia Tartu ülikoolis

3 комментария

Filed under Увер-влак, Фото-влак

3 responses to “Кок финн-угор докторлан шукырак лие

  1. Аноним

    Николай дене Танюшам шокшын саламлена — тыгай шанчче паша кызыт пеш кӱлешан!

  2. Лайд

    Поро!
    Большое признание Николаю Анисимову от бывших мафуновцев. Мы гордимся вами, мы помним вас молодыми. Большой привет Татьяне Миннияхметовой — она настоящий наставник новой поросли (хотя они уже ученые).
    Татьяна Алыбина — кугу молодец. Еще лет девять-восемь назад мы не сомневались, что она выберет себе большой путь, когда еще «ВийАр» делал свои начальные шаги.
    Финно-угорский мир гордится вами и возлагает на вас большие надежды.
    От имени «Марий ушем» Лайд Шемйэр (Владимир Козлов).

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s