Таче, 10 октябрьыште, Таллинн воктен улшо изи Сауэ олан Кечывал рӱдерыштыже Жанна Тохтын выставкыжым почыныт.
Акварель ончер почмашке верысе калык толын. Анна Мишина марий мурым мурен да Инга Погонина ия ковыжым шоктен. Рӱдел пелен улшо «Rukkilill» (Кандывуй) ансамбль вуступатлен.
Ончер 27-ше ноябрь марте почмо лиеш.
Ушештарена кызыт Эстонийыште Родо-тукым кече-влак эртат. Да Эстоний мучко октябрь мучаш марте финн-угор калык-влак дене кылдалтше пеш шуко мероприятий эрта.
Жанна Марий Элысе Морко район Шеҥше ялеш шочын. Вич ий Йошкар-Оласе талантан йоча-влаклан ыштыме школ-интернатыште сӱретлаш тунемын. Марий университетым тунем пытарен. Эстонийыш марлан лектын да эстон марийже дене Йыгеваште иленыт. Шукерте огыл Тохтмыт еш Таллинныш илаш куснен. Жанна ден Мартинын кок йочашт уло.
Кечывал рӱдер — тиде культур пӧрт сынан тӱвыра учреждений. Тушто тӱрлӧ кружок-влак пашам ыштат, ансамбль-влак улыт. Тыгак центр илалшырак-влак дене пашам ышта.
MariUver
Фото: Ану Вӓлиахо
MariUver 