Санкт-Петербург марий-влак идалыкым пайдалын эртареныт

2009-ше ий мучашке лишемеш. Ме, Санкт-Петербург марий-влак, тудым поро шомак дене гына ужатена — вет тиде ий мыланна арам ыш эрте.

Мемнан марий землячествына моло калык-влакын ушемышт дене пырля мер пашашкат, спорт таҥасымашкат чолган ушныш. Теве 17 октябрьыште Санкт-Петербургысо Национальность-влак пöрт Лиговский проспектеш верланыше Кинде музейыште «Шуко национальностян олан киндыже» программа кышкарыште Марий кочкыш выставкым эртарыш. Уна-влак мемнан калыкын ямдылен намийыме подкогыльым, пÿктышым, мелнам, коман мелнам да мÿй пÿрым уло кумылын тамлышт. Мучашлан ямле тальянка семымат йоҥгалтарышна.

Декабрь тÿҥалтыште «Петербургский» СКК, Национальность-влак пöрт калыкле-тÿвыра* ушем-влак дене пырля «Ме — пырля» спорт да культур пайремым эртарышт. Национальность-влак пöртын призшылан верч ÿштö дене кучедалмашат лие. Посна таҥасымаште тÿрлö нелытан вич категорийысе 150 участник коклаште мемнан командына 66 да 73 килограмм нелытан-влак радамыште кокымшо верым нале. Чыла участниклан пöлекым, а сеҥыше-влаклан компьютерым, цифровой фотоаппарат-влакым кучыктышт.

Командынан капитанже Геннадий Сайметов ыле. Тудо Башкортостанысе Мишкан районеш, Эшым ялеш 1961 ийыште шочын. Кыдалаш школым Белебейыште тунем пытарен, Челябинск областьысе Карталь олаште кÿртньыгорно училищыште шинчымашым поген. Вара Санкт-Петербургысо капкультур* кугыжаныш университетыште тунемын. 1981 ийыште классический кучедалмаш дене Совет Ушемын чемпионжо лийын, Химки олаште А. А. Харлампиев лÿмеш тÿнямбал турнирыште сеҥен.

Октябрь тÿҥалтыште «Интерфолк» Тÿнямбал фестивальыш Уфа гыч «Ош виче сем» фольклор да этнографий ансамбль толын ыле. Нуно Калык усталык пöртыштö мемнамат шке мастарлыкышт дене куандарышт. Тыгай йöн дене пайдаланен, газет гоч чумыр коллективлан шокшо саламым колтена.

Пошкырт кундемыште илыше чыла землякнам шушаш 2010-шо ий дене шокшын саламлена! Тек тудо тыланда шуко-шуко сайым да порым гына конда.

С. ДИГИТАЕВ,
марий тÿвыра рÿдер вуйлатыше.
Санкт-Петербург ола

Налмывер: «Чолман» газет

Фото: Кирилл Семёнов, vkontakte.ru

*калыкле-тÿвыра — национально-культурный, капкультур — физический культура

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s