Эстонийыште Марий тиште кечым пайремлат

Эстонийыште илше марий-влак 12 декабрьыште Тартушто Марий тиште кечым палемдат. Пайрем Тарту Университетын тÿҥ пoлатыштыже (Ülikooli 18), Финн-угор пöлкан 234-ше пöлемыштыже 15.00 тÿҥалеш.

Программыште:

1. Марий тиште кече нерген
2. «Тамга гыч тÿҥалын…», марий тиштын да сылнымутын эртымгорныж нерген Суоми гыч марий литературшанчызе, философий доктор Соня Чеснокова-Вяяри каласкала (марла, резюме эстонла кагазыште)
3. Сергей Чавайнын да Валентин Колумбын почеламутшо-влак йоҥгат (марла да эстонла)
4. Алексей Алексеевын «Кÿсö памаш» чыныилыш киножым ончыктымаш (фильм урал марий-влакын чимарий йÿлам арален кодаш тыршымышт нерген каласкала)
5. М.Шкетанын «Важык вуян йыдал» пьесыж гыч ужаш
6. Мастар-класс да марий модыш-влак
7. Кофе, чай да марий кочкыш
8. Уна-влак дене пырля марла мурен куштымаш

Пайремым Тарту университетыште тунемше марий докторант-влак, Тарту марий-влак ушем, Таллинн марий ушем эртарат.
Тарту университет пелен улшо Пауль Аристэ рÿдер полша.

MariUver