Уста поэт, киноактер Йыван Кырлан шочмо верже — Шернур районысо Оно-Морко Купсола. Тений Йыван Кырлалан 100 ий. Тидын лӱмеш ялысе калык ял покшелне чапланыше поэт, да киноактерлан шарныме кӱым вераҥдаш шона, тидлан оксам шке вийже дене пога.
Тиде пашашке Шернур районысо Марисола школын тунемшыже, да йочасадыш коштшо-влак ушненыт. Нуно воктенсе яллашке концерт дене лектыт, а погымо оксам шарнымаш кӱйым ышташ колтат. Читать далее
Filed under Увер-влак
«Россий» телеканал «Шыде Йыван» («Иван Грозный») шуко сериян телефильмым ончыкташ тӱҥалын.
Тиде фильм Марий кундемыште илыше-влаклан оҥай, вет тудым Марий кундемын эргыже, композитор Андрей Яковлевич Эшпайын эргыже, кинорежиссер — Андрей Андреевич Эшпай ыштен. Читать далее
Вӱдшор тылзе мучаште Марий самырык театр ден М.Шкетан лӱмеш калыкле* драме театр тургымыштым мучашлышт.
Самырык театр латкандашымше тургымжым 29 апрельыште иктешлыш. Тӱҥ режиссер, Россий сымыктышын сулло пашаеҥже Олег Иркабаев «тургым сай паша лектышан лийын» манын палемдыш. Самырык театр вич у спектакльым сценыш луктын. Читать далее
Вӱдшор тылзын 26 кечынже «Марий ушем» мер толкын Марий талешке кечым пайремлен.
Мероприятий Йошкар-Олан Рӱдӧ каныме паркыштыже эртен. Чыла «Марий ушем» чолгаеҥ-влак шот дене погыненыт. Кугурак-влак марий он-влаклан вуйсавыме шомакым пелештеныт. Ожнысо акрет муро-влакым мурымо. Сортам чуктен пелыштыме. Читать далее
Filed under Увер-влак
10 томан «Марий мутерын» электрон версийжым ыштыме нерген «Марий Эл ТВ»-н видокаласкалымашыже.
«Марий мутерым» 1990 ийыште лукташ тӱҥалме. Икымше томжын тиражше 25 тӱжем лийын, кокымшын да кумшын — 5 тӱӝем, нылымше том гыч мутерын тиражше улыжат ик тӱжем гына кодын. Пытартыш луымшо том 2005 ийыште лектын. Мутерын тӱҥалтыш томжо-влакын электрон версийышт аралалт кодын огытыл. Читать далее
14 вӱдшорышто Йошкар-Олаште марий самырык-влакын «ВийАр» тӱвыра ушемыштын «ВийАр» лӱманак газетышт савыкталт лектын. Тиде ынде 5-ше номер. Вашке, Марий Талешке кече деч вара 6-шо номер савыкталтеш.
Лудшо-влак газетын электрон версийжым тыгай адрес дене лудын кертыт: http://vijar.wordpress.com
MariUver
Filed under Увер-влак
24-26 апрельыште Мер Каҥаш «Марий форум» конференцийым эртара. Мутланымашке туныктышо, мер пашаеҥ, журналист-влак ушнат. Нуно шочмо йылмымын тачысе кечыже, мер калык куатым иктеш ушымо нерген кутыраш тӱҥалыт.
Форум 24 апрельыште Мер-политик рӱдерыште (Йошкар-Ола, Гагарин урем, 8 ) почылтеш. Читать далее
Filed under Увер-влак
Увертарымаш
Эстон родо-тукым калык-влак программын каҥашыже да Финн-угор литератур-влак ассоциаций Тыланда кажне ийын ойырымо урал йылме тÿшкаш пурышо да шке кугыжнышдыме родо-тукым сылнымутчо*, кусарыше да литературовед-влаклан Сылнымут премий нерген увертарат. Читать далее
Filed under Увер-влак
«Мый марла ойлем!» — тыгай лӱман акцийым Талешке кечын, 26 апрельыште, самырык-влакын «У вий», «ВийАр» ушемышт эртарат.
Нунылан тидым ышташ татар самырык тукымын «Очрашу» клубшо, Мер Каҥаш, Марий национальный конгресс, Марий Ушем, Йошкар-Ола администрацийын самырык-влакын пашашт шотышто отделже, Республикысе марий культура рӱдер, «Югорно» бард-клуб, В.Колумб лӱмеш рӱдер-тоштер полшат. Читать далее
Filed under Увер-влак
26 апрельыште, Марий Талешке кечын, Мер каҥаш кажне чапкӱ воктен шарнымаш сортам чӱкташ ӱжеш.
Тиде акций Йошкар-Олаште куд шагат эрдене тӱҥалеш. Тунам мер ушем еҥ-влак лӱмлö, пагалыме еҥын чапкӱж деран чумыргат, поро ой дене марий талешке-влакым шарналтен, йӱла радамым шуктат. Читать далее
Filed under Увер-влак
