Марий театр-влак тургымыштым мучашленыт (ВИДЕО)

shketan_akterВӱдшор тылзе мучаште Марий самырык театр ден М.Шкетан лӱмеш калыкле* драме театр тургымыштым мучашлышт.

Самырык театр латкандашымше тургымжым 29 апрельыште иктешлыш. Тӱҥ режиссер, Россий сымыктышын сулло пашаеҥже Олег Иркабаев «тургым сай паша лектышан лийын» манын палемдыш. Самырык театр вич у спектакльым сценыш луктын. Поснак драматург Геннадий Гордеевын «С.Г.Чавайн» да «Я.П.Майоров-Шкетан» пьесыже-влак почеш шындыме драма-шамыч кӱкшö акым налыныт. «Вишнёвый сад», «Самая лучшая морковка» спектакль-шамыч ончышылан темлалтыныт. Эше ик премьер — Марий Элын сулло артистше Валерий Григорьевын пьесыж почеш шындыме «Ава шӱм» драме.

Тургымым петырыме кечынат театрын артистше-шамыч тиде спектакльым модын ончыктышт. Пеш шуко артист Марий Элын Кугыжаныш Погынжын, Тӱвыра, печать да калык-влак пашашт шотышто министерствыжын Чаптаныкышт* дене палемдалтыч.

В.Воронцов С.Строганова да А.Егошина денеА Марий Элын калык артистше Андрей Андриановлан 70 ияш лӱмгечыжлан театр артист-влак лӱм дене микротолкынан коҥгам*, пуракшупшым*, тыгак вургем ургышо цехым вуйлатыше Л.М.Чкановалан 50 ияш лӱмгечыжлан чапле пöлекым кучыктыш.

Тенийлан сценыште — пытартыш гана.М.Шкетан лӱмеш театрын 89-ше тургымжым иктешлымашке 30 апрельыште калык спектакльым ончаш веле огыл, тыгак кугу театр премий дене кöмыт палемдалташ тӱҥалыт, пален налаш чумырген ыле.

«Йыван Кырла» спектакльым артист-влакын устан модын ончыктымекышт, награждений тӱҥале. «Плёс» фирмын тӱҥ директоржо Вячеслав Воронцов 150 тӱжем теҥгеаш грантым ямдылен ыле. Тыге «Плёс» фирмын икымше премийже (25 тӱжем теҥге) дене Марий Элын сулло артисткыже Светлана Строганова, кокымшо премий (20 тӱжем теҥге) дене актриса Алина Егошина, кумшо премий (15 тӱжем теҥге) дене артист Рауль Гарифуллин, тыгак моло номинацийыште 5 тӱжем теҥге премий дене Марий Элын калык артистше Олег Кузьминых («зрительын симпатийже» номинацийыште сеҥышыш лектын), артист-влак Артем Асмаев, Павел Ефимов, Марина Почтенева палемдалтыч.

Ты гана театрын технике службыжымат öрдыжеш кодымо огыл. «Плёс» фирма М.Шкетан лӱмеш театрын столяр цехшым 5 тӱжем теҥге, монтировко цехым да сценылык вургемым ургышо цехым 2500 теҥге премий дене палемдыш. А грант деч кодшо окса тений шыжым театрын 90 ияш лӱмгечыж годым кучылталтеш.

Тыгак тургымым иктешлыме кечын марий предприниматель Н.А.Орман — поро кумылжым почын ончыктен, Марий Элын калык артисткыже Раисия Макаровалан 60 ияш лӱмгечыжлан окса премийым кучыктыш.

Тургымым иктешлымаш пöлеклан поян лие.

Тиде темыланак «Марий Эл ТВ»-н видеосюжетше:

Юрий ГРИГОРЬЕВ

Налмывер: «Марий Эл» газет

*калыкле — национальный,Чаптанык — Почетный грамота, микротолкынан коҥга — микроволновый коҥга, пуракшупшо — пылесос

2 комментария

Filed under Видео, Увер-влак

2 responses to “Марий театр-влак тургымыштым мучашленыт (ВИДЕО)

  1. Ончышо

    Теле вашеш тургымым почыт, шошым петырат, Шкетанже эше музык театр дене сценым лош пайла… Так марий-театр-влак лӱмжылан улыт да ыштышыла койыт. Самырыкшын але мартат шке пӧртшӧ уке да нӧреплаште илен толаша. Тау Воронцовлан пеле шужен илше марий актер-влаклан премийм пуэдымыжлан, шукырак тыгай еҥ лиеш гын ала марий актерна-влак эше лийыт, уке гын шылын куржыт чылан… Вот тыге чот Марий Эл виктер марий тӱвыра верч «азаплана»…

  2. Петан

    Сад-пакча сомыл жап толын. Ынде актержат, ончышыжат тушко вашкат. Илен лекташ пареҥге веле полша.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s