Самырык ушем-влак «Мый марла ойлем!» акцийым эртарат

myi_marla_ojlem«Мый марла ойлем!» — тыгай лӱман акцийым Талешке кечын, 26 апрельыште, самырык-влакын «У вий», «ВийАр» ушемышт эртарат.

Нунылан тидым ышташ татар самырык тукымын «Очрашу» клубшо, Мер Каҥаш, Марий национальный конгресс, Марий Ушем, Йошкар-Ола администрацийын самырык-влакын пашашт шотышто отделже, Республикысе марий культура рӱдер, «Югорно» бард-клуб, В.Колумб лӱмеш рӱдер-тоштер полшат.

2009 ий — Самырык-влакын идалыкышт. А кушкын толшо тукым – элын ончыкылыкшо. Санденак тиде акцийыш ӱдыр-рвезе-шамычым шукырак ушаш шонат. Акцийыште кумылан кажне еҥ шкенжым ончыктен кертеш.

Мероприятий марий йылмым арален кодаш, пагалаш туныкташ,  шочмо йылмым кумданрак кучылташ, тудын статусшым нöлталаш, самырык-влакым шочмо тӱвыра велке утларак савыраш шонымаш дене эртаралтеш.

Тыгодымак Марий Элыште марий йылмын кугыжаныш йылме семын кучылталтмыжым, предприятийлаште, организацийлаште, учрежденийлаште тудын дене кузерак пайдаланымым шымлен налыт.

26 апрельыште самырык мурызо,  поэт-влак шке усталыкыштым ончыктат. Ончаш толшо-шамыч коклаште «Мый марла ойлем!» возыман тасма, символика шотан арвер шаркалалтыт, тыгак «Марла ойлымо тыйын икымше 150 мутет» буклет-мутер пуалтыт.

Лекше йодышым «ВийАр» ушемын вуйлатышыжлан +7-90600957707 номеран телефон дене йыҥгыртен але sotnur@mail.ru Интернет адрес дене А.Иванова деч умылен налаш лиеш. Тыгак республикысе татар тӱвыра рӱдерын самырык еҥже-влак дене пашам ыштыше методист Р.Юлдашевлан +7 (8362) 251 465 телефон дене йыҥгырташ, yuldashev@bk.ru электрон адрес дене кылым кучаш лиеш.

Акций нерген кумданрак рушла >>
26 апрельыште эртыше акцийын афишыже (.doc) >>

Л.ШАБДАРОВА

Налмывер: «Марий Эл» газет

Логотипым сӱретче Сергей Таныгин келыштарен

2 комментария

Filed under Увер-влак

2 responses to “Самырык ушем-влак «Мый марла ойлем!» акцийым эртарат

  1. Колой

    Суасат теве марла кутырымаш акцийыш ушна пеш талын.
    Могай шоныш ден гын?

  2. Опанас

    Ну суас-влак шукерте огыл «Мый суасла ойлем» акцийым эртарен колтышт, опытышт уло. Шонем, марий-влакланат эртараш тудак темлен.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s