Марий-влак полшымо дене сниматлыме сериалым ТВ дене ончыктат (ВИДЕО)

В.Пектеев (пурлаште) сериалыште марий картым модеш«Россий» телеканал «Шыде Йыван» («Иван Грозный») шуко сериян телефильмым ончыкташ тӱҥалын.

Тиде фильм Марий кундемыште илыше-влаклан оҥай, вет тудым Марий кундемын эргыже, композитор Андрей Яковлевич Эшпайын эргыже, кинорежиссер — Андрей Андреевич Эшпай ыштен.

Рольым Евгения Симонова, Чулпан Хаматова, Евгений Цыганов, Александр Демидов да молат модыт. Эпизодлаште Марий Эл сымыктышын сулло пашаеҥже Василий Пектеевым, М.Шкетан лӱмеш кугыжаныш драм театрын артисткыже Марина Почтеневам ужаш лиеш.

Семым СССР-ын калык артистше композитор Андрей Эшпай возен, увертара Mari-el.name

«Иван Грозный» сериал гыч ужашФильмыште режиссерын асисстентше Василий Пектеев. Икымше серийыште Василий Пектеев ик эпизодышто марий картым модын. Кугыжа Василий III карт дек толеш. Кугыжан шуко жап икшывыже шочын огыл, садланак карт Ош Кугу юмо деч кугыжалан икшывым йодеш, юмын йӱлам чӱктен, чокылмо мутым сериалыште марла пелешта.

Сериалыште кучылтшаш терым, оравам, пӱгым, вочкым, кугу чаным, шайкым (вӱдым темаш кок пылышан пу ате) Морко районысо Унчо вел марий-влак ямдыленыт, воза «Марий Эл» газет.

Фильм 16 сериян, тудо пуламыран ХVI курымыш пӧртылта.

Mari-el.name да «Марий Эл» увер негызеш
MariUver

4 комментария

Filed under Видео, Увер-влак

4 responses to “Марий-влак полшымо дене сниматлыме сериалым ТВ дене ончыктат (ВИДЕО)

  1. Петан

    Марий-влак огыт полшо гын, сериал ок лий ыле мо? тынар виян улына гын, молан марий секриал ок лек?

  2. Ончышо

    Петан, воло мландыш! Могай сериал? Кызыт марий театр-влакын спектакльыштым пленкыш нигӧ ок возо… Мо тидыжлан тунарак шуко окса кӱлеш мо? Нигӧлан марий культур ок кӱл…

  3. Ончышо

    Пектеев рольым марла модын, тидын годым тудо ош поро кугу юмо деч калыклан ончыклык кугыжам йодеш, кудыжо вара марий калыкым мыняре пытарен — шотлыдымын. Кином ончен тыге лектеш, марий шке калыкшылан тушманым шке шочыктен? Моло калык тидым ончен тыге умыла вет? тыге огыл мо?

  4. Чирмишхан

    Иван Грозный — Акылсор Хайван.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s