Category Archives: Увер-влак

Ик шот дене Усолаште икмыняр ий ожнак тÿҥ школым чоҥаш тÿҥалшаш ыльыч. Тидлан кÿлеш документ-влакым шукертак ямдылен шуктымо гынат, ала-могай амал дене тиде паша шуялте. Икманаш, кодший шошымсо пожар деч вара гына тÿҥалтыш школым чоҥаш содоррак пижыч.

Тиде поро сомылым ик ий жапыште «Мостостроительное управление» организаций (тÿҥ директоржо Рим Жданов) ыштен шуктыш. Читать далее →

Марий самырык театр у тургымлан ямдылалтеш. Кызыт артист-влак кок у пьеса дене пашам ыштат. Тиде Александр Пушкинын «Руслан да Людмила» поэмыже да татар драматургын марлашке кусарыме «Чодраял Элександр» спектакльже-влак.

«Руслан да Людмила» поэмым Москва гыч Ирина Китаева шында. «Чодраял Элександр» спекатльым марий самырык театр уста актер Андрей Андриановын 70 ийжылан пӧлекла. Читать далее →

Финн-угор кундемла гыч йоча-влак Марий Элышке лагерьышке толыныт. 18 гыч 24 август марте Марий Элыште финн-угор лагерьын черетан сменыже эрта.

Ынде 15 ий почела финн-угор калык-влакын икшывыштлан Марий Элыште тӱнямбал лагерь эртаралтеш. Тений ты лагерьын сменышкыже мер пашаште шкеныштым виян ончыктышо йоча-влак ушненыт. Нуно Башкортостан, Мордовий, Удмуртий, Хант-Манси да моло финн-угор кундемла гыч толыныт. Читать далее →

25 июльышто республикын тӱрлӧ кундемлаж гыч 3 тӱжем 500 утла еҥ Йошкар-Оласе «Строитель» стадоныш «Марий Эл Радион» 4-ияш пайремышкыже чумыргеныт.

Ты радиостанцийын вӱдышыжӧ-влак: Наташа Пушкина, Володя Матвеев, Сергей Карпов да Мурызо Эчан калык ончыко ош мерседес дене кудал толыныт. Читать далее →

Июль тылзын икымше пелыштыже Эстонийыште марий-влак нерген кок чынилыш* фильмым ончыктымо.

6 июльышто ETV эстон телеканал дене Эстонийыште илыше марий режиссер Алексей Алексеевын «Мыры айо» фильмжым ончыкташ шонымо нерген мемнан сайтна рушла возен ыле. Читать далее →

20 июньышто, Марий Элын рӱдолаштыже Пеледыш пайрем ден Агавайрем лиеш.

10 шагатлан Йошкар-Оласе Пӱнчерын Тумеротышкыжо республикысе районла гыч онаеҥ-влак чокылмо мутым пелешташ да Агавайрем йӱлам шукташ погынат.

11.30 гыч 12.15 шагат марет В.И.Ленин лӱмеш тӱвыра полат деч Ленин лӱмеш площадьышке район гыч толшо уна-влак эртат. Читать далее →

Марий-влакын тӱп мландыштышт Пеледыш пайрем-влак эртат.

5 июньышто Торъял районысо Чуксолаште Пеледыш пайрем гӱжлен. Тӱвыра программым Марий Эл Радио ямдылен.

Йошкар-Олаште Пеледыш пайрем 20 июньышто лиеш. Тудо пӱнчерыште Агавайрем кумалтыш дене тӱҥалеш. Тушкыжо чоклымо мутым пелешташ Марий Элын онаеҥже-влак чумыргат. Читать далее →

Икымше июньышто, Йошкар-Олан Рӱдӧ каныме паркыштыже, Йочам аралыме кечым палемдат.

Пайрем вашеш «Саскавий» ӱдрамаш ушем, «Ямде лий» йоча газет, Марий Эл Радио «Изи мӱкш» йоча программым ямдыленыт.

Пайремыште тӱрлӧ модыш, куштымаш, таҥасымаш-влак лийыт. Сеҥыше-влакым пӧлек вуча, манын увертара Марий Эл Радио. Читать далее →

8 июньышто, Мланде шочмо кечын, Торъял район Эсымсола ял воктенысе отышто Тӱня агавайремым эртарат. Кумалтыш 11 шагатлан тӱҥалеш да тудым Тӱҥ онаеҥ Александр Таныгин вӱда.

13 июньышто, Шернур район Оно-Морко Купсола кундемыште, Агавайрем отышто, кугу Агавайрем кумалтыш эрташ тӱҥалеш. Кумалтыш верч Вячеслав Мамаев вуйын шога, увертара Марий Эл Радио. Читать далее →

31 агаште Йошкар-Оласе марий-влак Тумер отышко Агавайрем кумалтышыш лектыт.

Яндар кап-кылыш ош марий вургемым чиен, туара-салмавуш ден шере шорвам, тичмаш шыште сортам налын, поро чон дене, волгыдо уш-акыл дене «Марий ушем» ден «ВийАр» мер организаций-влак кумалтышыш толаш ӱжыт.

Кумалтыш деч вара кап-кылым куштылемдыше йӱла модыш-влак: лӱҥгалтыш дене лӱҥгалтымаш, тул-шикш гоч тӧрштылмаш, муным, шовырым кышкен, вӱдым шыжыктылын модмаш эртаралтыт. Читать далее →