Мер каҥаш Tалешке кечын сортам чӱкташ темла

kova_sorta_izi26 апрельыште, Марий Талешке кечын, Мер каҥаш кажне чапкӱ воктен шарнымаш сортам чӱкташ ӱжеш.

Тиде акций Йошкар-Олаште куд шагат эрдене тӱҥалеш. Тунам мер ушем еҥ-влак  лӱмлö, пагалыме еҥын чапкӱж деран чумыргат, поро ой дене марий талешке-влакым шарналтен, йӱла радамым шуктат.

Марий Элын Писатель ушемже  Сергей Чавайнын, Композитор ушемже Иван Палантайын, Марий кугыжаныш университет Василий Мосоловын, М.Шкетан лӱмеш Марий калыкле* театрын артистше-влак М.Шкетанын, ВийАр ушем репрессийыш логалше-влакын чапкӱышт деке чумыргат. Йошкар-Ола мучко пöртлаште келыштарыме шарныктыше оҥа-влак декат пеледышым пыштат.

Пагалыме родына-влак! Талешке кечын шарналтыза шке кундемысе родо-тукымдам, нунын поро сугыньыштым шуктен, шочмо кундемысе чапкӱ деке лектын, сортам чӱктыза. Тыгодым иктым шотыш налза: аралтыш сорта тулат аралтышым йодеш: тудо икмыняр шагат жап йӱлышаш, мардеж да йӱр вӱд деч  авыртышан лийшаш.

Зоя Глушкова

Налмывер: «Марий Эл» жаплышташ

6 комментариев

Filed under Увер-влак

6 responses to “Мер каҥаш Tалешке кечын сортам чӱкташ темла

  1. Eesti mari

    >Тыгодым иктым шотыш налза: аралтыш сорта тулат аралтышым йодеш: тудо икмыняр шагат жап йӱлышаш, мардеж да йӱр вӱд деч авыртышан лийшаш.

    Эстонийыште шӱгареш шындаш лӱмын аралтышан сортам ужалат: вошт койшо пластмасс кӧргыштӧ парафин сорта, кӱшныжӧ кӱртнӧ авыртыш, тыгай сорта суткат пелым йӱлышаш. Российыште тыгай уло мо?

  2. Эрге

    Мер Каҥаш член-влак лӱмешат чӱкташ ида мондо сортадам.

  3. Чирмишхан

    Ээстимарийлан: уло, уло.

  4. Эрге

    Мер Каҥашланат чӱктыман сортам. Нунат талешке улыт.

  5. сайбек

    Чынак, кызытсе мер каНаш иленак талешке улыт, чот кертыт))))))

  6. Чимарий

    Илыше еҥлан марий-влак сортам огыт чӱктӧ — язык. Те нуным игылтын тыге ойледа гын (колышт ман шонеда) тидыже кок пачаш язык. Шоналтыза мом куктежтыда, марий улыда гын! Мутын вийже уло, еҥлан осалым шонымо годым осал шке декет савырнен толеш.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s