10 томан «Марий мутерын» электрон версийжым ыштыме нерген «Марий Эл ТВ»-н видокаласкалымашыже.
«Марий мутерым» 1990 ийыште лукташ тӱҥалме. Икымше томжын тиражше 25 тӱжем лийын, кокымшын да кумшын — 5 тӱӝем, нылымше том гыч мутерын тиражше улыжат ик тӱжем гына кодын. Пытартыш луымшо том 2005 ийыште лектын. Мутерын тӱҥалтыш томжо-влакын электрон версийышт аралалт кодын огытыл.
Видеом налмывер: http://video.vmariel.ru
MariUver 
Пеш сай паша. Мутер пеш кужу жап лектын да 4-ше том гыч тӱҥалын изи тиражшылан кӧра шуко вере чыла 10 томжо укеат. Мутерын ончычсо томжо-влакын электрон версийже укелык республикыште марий йылмым кузе аклымым пеш сай ончыкта. МарНИИ-ште тошто компьютер-влак да вер уке да ӱштын кудалтеныт чай. Тыгак вер укелан кӧра марий газет-влакын электрон версийжым шке жапыштыже ӱштмӧ, мый колынам ыле марий радиошто да ТВ-ште ожно пленкым арален марий передаче-влакым ӱштыныт. Тиде же марий калык ваштареш осал паша вет (преступлений). Марий калыкын понянлыкшым ӱштмӧ. Йӧра кагазыште улмыжым угыч сканироватлен электрон версийым ышташ лиеш. А ӱштмӧ аудио да видом от пӧртылтӧ…
молодцы ,титаническую работу проделали на века!!!