Monthly Archives: Май 2009

Икымше июньышто, Йошкар-Олан Рӱдӧ каныме паркыштыже, Йочам аралыме кечым палемдат.

Пайрем вашеш «Саскавий» ӱдрамаш ушем, «Ямде лий» йоча газет, Марий Эл Радио «Изи мӱкш» йоча программым ямдыленыт.

Пайремыште тӱрлӧ модыш, куштымаш, таҥасымаш-влак лийыт. Сеҥыше-влакым пӧлек вуча, манын увертара Марий Эл Радио. Читать далее →

8 июньышто, Мланде шочмо кечын, Торъял район Эсымсола ял воктенысе отышто Тӱня агавайремым эртарат. Кумалтыш 11 шагатлан тӱҥалеш да тудым Тӱҥ онаеҥ Александр Таныгин вӱда.

13 июньышто, Шернур район Оно-Морко Купсола кундемыште, Агавайрем отышто, кугу Агавайрем кумалтыш эрташ тӱҥалеш. Кумалтыш верч Вячеслав Мамаев вуйын шога, увертара Марий Эл Радио. Читать далее →

25-26 майын Суомин вуйхалаштыжы Финросфорумын семинаржы эртен. Тӹдӹн темыжы ”Minority Rights in Russia” (Меньшинствавлäн прававлäштӹ Российӹштӹ) ылын. Семинарын организаторжы Финн-руш гражданский форум (Finnish-Russian Civic Forum).

Шукы доклад логӹц кокты гишäн шукыракым сирäлтӹмӹ шоэш, тидӹ Марий Ушемӹн Юрий Игнатьев Читать далее →

Лӱмжö мыланна муро гае

Марий калыкын кугешныме эргыж нерген ты книгам ямдылаш тудлан пӱралтынак улмаш докан — вет нуно ик ял гыч улыт. Ончыкылык литератор лӱмлö землякше нерген йöратен ойлымым колышт кушкын да вара шкежат тиде еҥын илыш пӱрымашыжым рашемдымашке шке вийжым да усталыкшым ушен. Ме кызыт Юрий Соловьев да тудын «Легендыш тошкалше Кырла» книгаж нерген ойлена. Ты паша — данле айдемын курымаш юбилейже вашеш калыклан кучыктымо чапле пöлек. Читать далее →

31 агаште Йошкар-Оласе марий-влак Тумер отышко Агавайрем кумалтышыш лектыт.

Яндар кап-кылыш ош марий вургемым чиен, туара-салмавуш ден шере шорвам, тичмаш шыште сортам налын, поро чон дене, волгыдо уш-акыл дене «Марий ушем» ден «ВийАр» мер организаций-влак кумалтышыш толаш ӱжыт.

Кумалтыш деч вара кап-кылым куштылемдыше йӱла модыш-влак: лӱҥгалтыш дене лӱҥгалтымаш, тул-шикш гоч тӧрштылмаш, муным, шовырым кышкен, вӱдым шыжыктылын модмаш эртаралтыт. Читать далее →

Тачысе эстрадым тӱрлӧ тӱсан пеледыш дене таҥастараш лиеш. Иктыже путырак чолган волгалтеш гын, весыже изишак шапалгырак, кумшо пеледаш гына тӱҥалеш, нылымше пелед шудеак лывыжга…

Тыгодым ме ик айдемын кушмыжым, весын шӱдыр чер дене черланымыжым да ик верыштак тошкештмыжым эскерен кертына. Но моторлыкым але мастарлыкым пӧртйымалне шылтен от ашне. Тудо садак, кечыйолым шижын, шытен лектеш. Тыге поҥгыла кушшо мурызо-шамыч коклаштат чын шӱдыр-влак ятырын улыт. Ты радамыште самырык еҥат шагал огыл.

Пытартыш жапыште тӱрлӧ концертыште калык «Каче-влак» группым совым рӱж кырен вашлиеш. Тиде коллективыште – кум пӧръеҥ. Читать далее →

15 агаште Йошкар-Олаште «Колумб лудмаш» поэзий конкурс эртен. Тидын нерген Марий Эл ТВ-н видеосюжетше:

Налмывер: Видео в Марий Эл.ру