Финн-угор ассоциацийын марий пöлкаже погынлан ямде

Погынымаш годымКодшо вӱргечын Марий Элын Тӱвыра, печать да калык-влакын пашашт шотышто министерствыжын конференц-залыштыже Российысе финн-угор калык-влакын ассоциацийыштын (ФУКА*) марий пöлкаже погынымашым эртарен.

Тушко республикысе марий мер организаций-влакын чолга еҥыштым ӱжыныт. Амалже теве могай. Тений 24-26 сентябрьыште ФУКА-н нылымше погынжо лийшаш. Тушко кажне финн-угор калык шке делегатше-влакым колтышаш. ФУКА-н исполкомжо марий-влак­лан 8 верым пуэн.

Исполкомын еҥже-влак: вице-президент Михаил Васютин ден марий пöлкам вуйлатыше Валерий Мочаев – делегат радамыш вигак пурталтыч. Куд мер организацийлан ик вер дене ойыраш лийыч.

Тыге «Марий юмыйӱла» ушем деч делегатлан Тӱҥ онаеҥ Александр Таныгиным, «Марий ушем» деч Владимир Козловым, «Марий туныктышо» деч Зинаида Артюшкинам, Марий калык конгресс деч А.Васильевым, самырык-влакын «ВийАр» организацийышт деч Раисия Сунгуровам да «Саскавий» ӱдырамаш ушем деч Марий Элын Тӱвыра, печать да национальность паша шотышто министржын алмаштышыже Галина Ширяевам сайленыт.

Погынымашыш толшо калык йӱклаПогынымаште Марий Тӱвыра рӱдерын пашаеҥже Римма Юрьева шонымашыжым каласыш. Чынже денак рӱдер марий культурым, йӱлам арален кодымаште шуко тырша, ятыр мероприятийым эртара. Тыгай кугу форумыш кугыжаныш учреждений деч делегатым темлаш огеш лий мо? В.Мочаев тиде погын мер организаций-влак деч делегатым вуча манын палемдыш. Тыгодым М.Васютин рашемдыш: погыныш власть структура, кугыжаныш учреждений деч эскерыше семын темлаш лиеш, сандене Марий Тӱвыра рӱдер дечат темлен ончен кертыт.

Тыгак сай темлымашым мер пашаеҥ Римма Катаева ыштыш. Пытартыш жапыште Йошкар-Олаште финн-угор кок организаций ышталтын: иктыже – Финн-угор университет-влакын ассоциацийышт, весыже – Финноугроведений институт. Нунын дечат ФУКА-н погыныштыжо еҥ-влак лийыт гын, марий делегацийын куатше нöлталтеш.

Эше ик организацийым, Российысе финн-угор журналист-влакын ассоциацийыштым (РФУЖА*), мондымо. ФУКА-н вице-президентше М.Васютин шкежак палемдыш: Йошкар-Олаште шочшо финн-угор кӱкшытан организаций-влакын еҥышт погынышто лийшашак улыт.

Арня гыч Йошкар-Олаште ФУКА-н исполкомжын черетан заседанийже эрта. Тушто шушаш погынын паша радамжым ончаш тӱҥалыт. Тылеч вара гына марий пöлка шке отчетшым ышташ тӱҥалеш.

Светлана Пехметова

Снимкылаште: погынымаш деч ончыч; йӱклымаш годым. М.Скобелевын фотожо.

Налмывер: «Марий Эл» газет

* ФУКА — рушла АФУН, РФУЖА — РАФУЖ

2 комментария

Filed under Артикль-влак

2 responses to “Финн-угор ассоциацийын марий пöлкаже погынлан ямде

  1. Чолгаеҥ

    О шинчамлан ом ӱшане Мочаев ден Козлов ик залыште… Васютин тӱшкан ты гана «Марий ушемым» ӧрдыжеш кодаш намысдымылыкышт ситен огыл мо?

  2. Петан

    ФУКАлан Козловжат, Марий Ушемжат йот огытыл. Нуно марий калыкын ару вийже, «валютаже» улыт, тидым Моско пала. Сита «изи оҥгыр-влакым» колышташ. Погынымаш сайын эртыш.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s