Йошкар-Олаште «Йӱд музей» акций эртен (ВИДЕО)

gallereja_nochju16 гыч 17 май йӱдым Йошкар-Олаште «Марий Элысе йӱд тоштер-2009» тӱвыра акций эртен.

Тудо Музейын тӱнямбал кечыжлан, Йошкар-Олан 425 ияш лӱмгечыжлан да Самырык-влакын идалыкыштлан пöлеклалтын.

Тиде акцийын тӱҥ вийже, рӱдыжö  Тимофей Евсеев лӱмеш калыкле*, Республикысе сӱретсымыктыш*, Йошкар-Олан историй тоштерже-влакын, Калыкле сылнысӱрет* галерейын пашаеҥышт лийыт.

Пайрем кастеным тӱҥалын.  19-20 шагатлан Чавайн бульварыште, Советский урем гыч Карл Маркс урем йотке, «Мер сад» лӱман рекламе акций вийым налын.  Тушко музей пашаеҥ-шамыч дене пырля Марий кугыжаныш университетын тӱвыра да сымыктыш факультетшын туныктышо ден студентше-шамыч, «Царев город» фольклор ансамбль, эрыкан сӱретче ден семмастар-шамыч ушненыт. Тиде жапыштак революций деч ончыч Царевококшайск могайрак лиймым палдарыше театр инсценировкым модын ончыктымо.

Тиде жапыштак 19 гыч 21 шагат марте Оболенский-Ноготков площадьыште самырык-влакын мер толкынышт «ташлалтын». Неле трюк-влакым ончыктышо, экстремал семын ойыртемалтше, лӱддымö велосипедист-спортсмен-шамыч, мурызо, брейк-дансым куштышо-шамыч мастарлыкыштым ончыктеныт.

16 майыштак 19 шагат гыч рӱдö оласе музейлаште мастер-класс-влак эртарыме, концерт, спектакль-шамыч ончыктымо.

Мутлан, Йошкар-Олан историй тоштерыштыже 21 шагатлан Республикысе курчак театрын артистше-шамыч «Колыбельная» спектакльым модын ончыктеныт. А пелйӱдлан туштак рӱдö олан эртыше илышыжым ончыкташ полшышо «Знатоки» уш-акыл модмаш эртаралтын.

Т.Евсеев лӱмеш калыкле тоштер кокла курымысо саркуралым ончыктымо мероприятийым почын. Этнографий залыште «Этнопайрем» эртен. Туштыжо фольклор коллектив, артист-шамыч лийыныт. Республикысе сӱретсымыктыш тоштерыште кызытсе искусство дене палдарыше инсталляций-влакым ончыктеныт.

Электрон музыкант-влакын концертышт, тул шоу да молат пайрем сыным пуртеныт.

А калыкле сылнысӱрет галерей воктене 20 шагат гычак кафе пашам ыштен.  «Оскар» американ киноакадемийын «Оскар» премийжын лауреатше Александр Петровын «Сон смешного человека», «Русалка», «Старик и море» анимаций фильмже-шамыч йӱдвошт ончыкталтыныт. Мастар-влак олаште «Шöртньö хохлома» ончер*, кидмастар-влакын ярмиҥгашт калыкым йырышт чумыреныт.

Йӱдымак тушто «Реализм гыч абстракций йотке» у ончер ыштен. А галерейын заллаштыже самырык сӱретче-влак портретым ыштыкташ кумылан-шамычым сӱретленыт.

Тыгайрак оҥай, кугу музей пайрем эртен Марий кундемыште.

Марий Эл ТВ-н тиде темыланак видеосюжетше:

Юрий Григорьев

Текстым  «Марий Эл» газет, видеом Видео в Марий Эл.ру гыч налме

*калыкле — национальный, сӱретсымыктыш тоштер – изобразительный искусство музей, сылнысӱрет – художественный, ончер — выставка

Оставьте комментарий

Filed under Артикль-влак, Видео

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s