10 томан «Марий мутерын» электрон версийжым ыштыме нерген «Марий Эл ТВ»-н видокаласкалымашыже.
«Марий мутерым» 1990 ийыште лукташ тӱҥалме. Икымше томжын тиражше 25 тӱжем лийын, кокымшын да кумшын — 5 тӱӝем, нылымше том гыч мутерын тиражше улыжат ик тӱжем гына кодын. Пытартыш луымшо том 2005 ийыште лектын. Мутерын тӱҥалтыш томжо-влакын электрон версийышт аралалт кодын огытыл. Читать далее
14 вӱдшорышто Йошкар-Олаште марий самырык-влакын «ВийАр» тӱвыра ушемыштын «ВийАр» лӱманак газетышт савыкталт лектын. Тиде ынде 5-ше номер. Вашке, Марий Талешке кече деч вара 6-шо номер савыкталтеш.
Лудшо-влак газетын электрон версийжым тыгай адрес дене лудын кертыт: http://vijar.wordpress.com
MariUver
Filed under Увер-влак
24-26 апрельыште Мер Каҥаш «Марий форум» конференцийым эртара. Мутланымашке туныктышо, мер пашаеҥ, журналист-влак ушнат. Нуно шочмо йылмымын тачысе кечыже, мер калык куатым иктеш ушымо нерген кутыраш тӱҥалыт.
Форум 24 апрельыште Мер-политик рӱдерыште (Йошкар-Ола, Гагарин урем, 8 ) почылтеш. Читать далее
Filed under Увер-влак
Увертарымаш
Эстон родо-тукым калык-влак программын каҥашыже да Финн-угор литератур-влак ассоциаций Тыланда кажне ийын ойырымо урал йылме тÿшкаш пурышо да шке кугыжнышдыме родо-тукым сылнымутчо*, кусарыше да литературовед-влаклан Сылнымут премий нерген увертарат. Читать далее
Filed under Увер-влак
Станислав Шакиров пытартыш ийлаште посна концертше денат, марий мероприятийлаштат шуэн койын.
Телым Станислав дене пырля пошкудо кундемысе марий-влак дене гастрольышто лияш логалын. Ик суртышто ӱстел йыр уна лийме годым тудым эскерышым. Артистын мыскара койышыжо улмым шижым. Уке-уке да ончычсо гастрольлаште лийше воштылчыкым, кочажын ойлымыжым шарналта. Читать далее
Filed under Артикль-влак
«Мый марла ойлем!» — тыгай лӱман акцийым Талешке кечын, 26 апрельыште, самырык-влакын «У вий», «ВийАр» ушемышт эртарат.
Нунылан тидым ышташ татар самырык тукымын «Очрашу» клубшо, Мер Каҥаш, Марий национальный конгресс, Марий Ушем, Йошкар-Ола администрацийын самырык-влакын пашашт шотышто отделже, Республикысе марий культура рӱдер, «Югорно» бард-клуб, В.Колумб лӱмеш рӱдер-тоштер полшат. Читать далее
Filed under Увер-влак
26 апрельыште, Марий Талешке кечын, Мер каҥаш кажне чапкӱ воктен шарнымаш сортам чӱкташ ӱжеш.
Тиде акций Йошкар-Олаште куд шагат эрдене тӱҥалеш. Тунам мер ушем еҥ-влак лӱмлö, пагалыме еҥын чапкӱж деран чумыргат, поро ой дене марий талешке-влакым шарналтен, йӱла радамым шуктат. Читать далее
Filed under Увер-влак
Эртыше шуматкечын Йошкар-Олаште, Сеҥымашын ХХХ идалыкше лӱмеш тӱвыра полатыште, «Эрвел марий» мурышо да куштышо ансамбльым коло ияш лӱмгечыж дене саламлаш калык зал тич погынен.
Концерт моткоч поро шӱлыш дене эртен. Артист-влак шке веле огыл, тыгак калык денат чак кылым ыштеныт, ик ӱстелтöрыштö шинчымыла, йолташ семын мутланеныт. Читать далее
Filed under Артикль-влак, Видео
Марий кугыжаныш университет пелен ыштыме Финугршанче* институт нерген «Марий Эл ТВ»-н видеокаласкалымашыже:
Налмывер: http://video.vmariel.ru
* финугршанче — финно-угроведений
Filed under Видео
Кӱсле дене шокташ туныктышо РФ-се тӱвыран сулло пашаеҥже Тамара Ягельдина нерген «Марий Эл ТВ»-н видеосюжетше:
Налмывер: http://video.vmariel.ru
Filed under Видео
MariUver 