Monthly Archives: Март 2009

Орловмыт еш нерген «Марий Эл ТВ»-н видеокаласкалымашыже:

Налмывер: video.vmariel.ru

Мер Каҥашын вуйверже черетан нылымше пленумым 24–26 апрельыште эртарыме нерген кутырен келшен.

Тидыже Марий калыкын кандашымше погынжылан ик ий темме дене кылдалтын. Ик ий жапыште могай паша ышталтын, ончыкыжым мом ыштыман — тиде мутланымаште тӱҥ лийшаш. Читать далее →

27 мартыште, кугарня кечын, Марий калыкын онаеҥ погынжо эртаралташ тӱҥалеш.

Погынымаш Йошкар-Олан «Автодор» тӱвыра полатыштыже лиеш.

Карт-влак Марий Юмынйӱлан 2008 ийысе пашажым лончылыт да ушем вуйлатыше-влакын ыштыме паша радамыштым колыштыт. Читать далее →

«Чарша шойыч» страницын кодшо номерыштыже татар ӱдыр Сания Рамайын марла мураш тӱҥалмыж нерген возенна ыле. А таче тудын дене тендам, пагалыме лудшына-влак, лишкырак палымым ыштена. Кö тудо тыгай, марла мураш тӱҥалаш мо таратен — рашемдаш тыршена.

Сания Киров область, Лебяж районышто шочын. Но изи улмыж годымак ешыже Параньга поселкыш илаш куснен. Кызыт тудо шке ешыж дене (пелашыже да икшывыже-влак дене) Йошкар-Олаште ила. Читать далее →

Марий книга савыктыш Рушэлысе ончер рӱдерыште* эртыше «Российын книгаже» ХII калыкле* ончер-ярмиҥга гыч “Российысе финн-угор калык-влакын экспозицийыштын участникше” диплом дене пöртылын.

Ярминга ынде 1998 ий годсек эртаралтеш. Тушко книгам савыктыше, шаркалыше, Читать далее →

Пагыт! Теве мо чылалан куатле оза улмаш! Шочмо калыкнан эн лӱмлö айдемыжлан тудо шӱдö ийым кучыктыш. Шернур район, Оно Морко Купсолан эргыже лӱмлö поэт да тӱнямбалне чапланыше киноактер Йыван Кырлан шочмыжлан 17 мартыште ик курым теме.

Тидын вашеш Шернурышто Николай Заболоцкий лӱмеш кокымшо номеран кыдалаш школышто «Йыван Кырла лудмаш» икымше шанче-практик* конференций эртен. Читать далее →

«Эрвел марий» ансамбльлан 20 ий темеш. Тидын нерген «Марий Эл ТВ»-н видеосюжетшым темлена:

Налмывер: http://video.vmariel.ru

14 мартыште Эстонийыште Шочмо йылме кечым (Emakeelepäev) палемдат.

Эстонла тӱняште 1,1 млн наре еҥ кутыра, нунын кокала гын 950 тӱжем еҥже Эстонийыште ила.

Эстон йылме Эстонийыште кугыжаныш йылме улеш, эстонла школлаште, кӱкшӧ да моло тунемме верлаште туныктат. Читать далее →

Айдеме воштылде илышаш огыл! Мыскара кумылан еҥын ӱмыржат кужу лиеш. Очыни, айдеме шке илышыштыже кочо да неле пагытла дене ынже кӱэмалт манынак, 1 апрельым Воштылмаш кечыш савыреныт. Ты кечын кеч-мыняр еҥым порын ондалаш, мыскарам ыштышыла, тупела ойлышташ, ӱнар пытымеш воштылташ да шкежат шинчавӱд лекмеш утен каен воштылаш лиеш. Читать далее →

Марий муро нерген мутым лукмеке, ушышко марий сылнымутчо-классик Сергей Григорьевич Чавайнын курымашлык чын шомакше толын перна: «Кеч мутшым нал, кеч семжым нал — яндар шöртньö». Тыгай шöртньö чон поянлыкна уло гын, тудо калыкнам пойдарышаш, чапландарышаш.

Таче марий сем тӱняште, сымыктышыште* ик йодыш утларак да утларак пӱсын палдырна, Читать далее →