Tag Archives: Эстоний

«Кна вел» Тартушто, 2014 ий

Эстон студент олаште Татарстан гыч «Кна вел» ансамбль кок кече поче шке мастарлыкшым тӱрлӧ вере ончыкташ тӱҥалеш.

Тартуш мӱндыр уна-влак эрла, 14 октябрьыште, кечывал деч вара толын шуыт.

17 шагатлан Эстон калык музейыште «Финн-угор калык-влак деке экспедиций-влак» лӱман мероприятий тӱҥалеш. Тушто тоштер пашаеҥ-влак родо-тукым калыкым шымлаш коштмышт нерген каласкалат. Читать далее →

Марий А.Мишина да одо Н.Анисимов

Эстонийын рӱдолаштыже 19 да 20 сентябрьыште Этноярмиҥга эртен, тушто марий семат йоҥген.

Тыгай мероприятийым Эстонийын изи калык-влак ассоциацийже кажне ийын эртара. Марий-влак тушто ынде кумышо ий участвоватлат. Читать далее →

29 июль гыч 1-ше август марте Эстонийыште Финн-угор калык-влак самырыктукым ассоциацийын (ФУКСА) конгрессше лиеш.

Погын кок вере эрта: Тартушто да Обиницыште. Уна-влак Эстонийын студент олашкыже эрла толаш тӱҥалыт. Ту кечын нуно Эстон калык музейын чоҥалтше у комплексше дене палыме лийыт. Да вара кастеным нунылан Тартушто улшо марий да одо мер ушем-влак нерген каласкалат. Читать далее →

Алена Иванова (шолаште) фестивальыште

Шукерте огыл Эстонийыште эртыше финн-угор FUFF фильм фестивальыште марий чынилыш киномат палемденыт.

Тиде чолга марий ӱдыр дене вашлиймеке, шуко ум, оҥайым пален налаш лиеш. Тудо эре ойла: «Уста еҥ чыла шотышто уста лийшаш». Кажне арнян тудо мемнан дене «Пошкудем» видеоканалыште саламлалтеш, «Шӱмсем пӧлекым» кучыкта. Чон йодмо почеш видеоочерк-влакым ямдыла. Читать далее →

Видео: РЕГИОН 12

Марий Эл гыч «Олык сем» ансамбль 26-27 вӱдшорын Финн-угор культур рӱдолаште, Обиницыште (Эстоний), лийын. Тушто нуно тӱрлӧ вере шке мастарлыкыштым ончыктеныт Читать далее →

28 апрельыште Эстонийын студент олаштыже Марий талешке кечым палемденыт.

Пайремын официалле ужашыже Эстон калык тоштерын Ончер пӧртыштыжӧ 17 шагатлан тӱҥалын. Ончыч Васли Николаев марий талешке-влак нерген каласкален да видеопрезентацийым ончыктен. Вара лӱмлӧ эстон серызе Арво Валтон «Югорно» марий эпосым эстон йылмыш кусарымыж шумлык ойлен. Читать далее →

Вӱдшор тылзын 24-25 кечынже Эстонийын Тарту олаштыже эртыше Изи калык-влак III фестивальыште верысе марий-влакат участвоватленыт.

Икымше кечын, 24 апрельыште, ончер-валкым почыныт да йыргешке ӱстел эртен. Пайрем почамште да йыр шинчен мутланымаште олам вуйлатышын полышкалыжыже Тийа Теппанат лийын. Читать далее →

28 вӱдшор, кушкыжмо, Тарту ола (Эстоний)

17:00 Эстон калык тоштерын Ончер пӧртыштыжӧ (ERMi Näitusemaja, Kuperjanovi 9) Марий талешке кечын официалле ужашыже

1. Марий талешке-влак нерген — Васли Николаев
2. «Югорно» марий эпосым эстон йылмыш кусарыме нерген – Арво Валтон
3. Марий философ Юрий Калиев лӱмеш тӱвыра фонд нерген
4. Марий рушарня школ йоча да ача-ава-влакын саламлымашышт
5. Тарту Марий-влак Ушем «Марий кумыл» ансамбльын саламлымашыже
6. «Олык сем» марий фольклор ансамбльын (Марий Эл) концертше. Читать далее →

Ригысе Латыш ушемын пӧртшӧ

4-5 октябрьыште Ригыште Родо-тукым кече эрта. Тушко Эстонийыште илыше марий да вес финн-угор-влак толыт, шке калыкышт нергенат каласкалаш тӱҥалыт.

Пайрем Ригысе Латыш ушемын пӧртыштыжӧ эрта. Эстоний гыч одо, коми, ингерманланд, эрзя-мокша, сету ден эстон коллектив-влак каят. Марий-влак дене палдараш Тарту гыч 11 еҥан тӱшка тарвана. Читать далее →