Тартушто марий ансамбль кок кече выступатлаш тӱҥалеш

«Кна вел» Тартушто, 2014 ий

Эстон студент олаште Татарстан гыч «Кна вел» ансамбль кок кече поче шке мастарлыкшым тӱрлӧ вере ончыкташ тӱҥалеш.

Тартуш мӱндыр уна-влак эрла, 14 октябрьыште, кечывал деч вара толын шуыт.

17 шагатлан Эстон калык музейыште «Финн-угор калык-влак деке экспедиций-влак» лӱман мероприятий тӱҥалеш. Тушто тоштер пашаеҥ-влак родо-тукым калыкым шымлаш коштмышт нерген каласкалат.

А.Алексеев

А.Алексеев «Угинде» афише

Алексей Алексеевын «Угинде» чынилыш киножым ончыктат. Фильм лач тыгаяк лӱман пайремым татарстанысе марий-влак кузе палемдат, тидын нерген каласкала. Касым «Кна вел» ансамбль сӧрастараш тӱҥалеш.

Кастеным 20 шагатлан Тарту Тийги ушем пӧртыштӧ марий куштымашлан пӧлеклалтше мастар-класс лиеш. Тушто верысе калыкым марла кушташ «Кна вел» фольклор коллективын еҥже-влак туныктат.

Эрлашыжым, 15 октябрьыште, уна-влакым эрденым тартусо Тамме школышто вучат. «Кна вел» шке мастарлыкшым тушто тунемше ученик-влаклан ончыкта.

Кастеным 18 шагатлан Тарту университетын пайрем залыштыже Родо-тукым кечылан пӧлеклалтше гала-концерт тӱҥалеш. Моло финн-угор коллектив-влак дене пырля, «Кна вел» ансамблят муралтен, кушталтен пуа.

17 октябрь, шуматкече, Эстонийын кугыжаныш пайремже — Родо-тукым кече. Эстонийыш толшо финн-угор коллектив-влак чылан Таллинныш погынат. Рӱдолаште мучашлыше кугу гала-концерт лиеш.

Марий-влак нерген моло вере

«Марий-влак. Еш альбом» ончерым почмо годым

Ушештарена, Тартушто ты жаплан кок марий фото-ончер ышта. Эстон калык музейын выставкыжым «Ruunipizza» пицым да мелнам кочмо верыште ужаш лиеш. «Тарту марий-влак ушемын» фото-ончерже «Марий-влак. Еш альбом» маналтеш. Тудым Валентина Семенова чумырен да Литератур пӧртыштӧ 25 октябрь марте ончалаш йӧн уло.

Эртыше рушарнян ушемна марий кочкыш нерген каласкален да подкогыльым ышташ туныктен.

Тыгак Тарту воктен улшо Ныо гимназийыште эрвел марий-влаклан пӧлеклалтше фотовыставке почылтын. А тушто школышто туныктышо марий чолгаеҥ Наталья Шорникова кугырак класслаште тунемше-влакым подкогыльо мастар-классым да финн-угор калык-влаклан пӧлеклалтше викториным эртара.

Татьяна Албахтина Тарту кристиан школышто марий-влак нерген каласкала.

А марий рушарня школын туныктышыж ден тунемшышт-влак Эстон калык музейын родо-тукым калыклан пӧлеклалтше мероприятийыштыже, 17 октябрьыште, выступатлат.

Садлан тений Эстонийыште эртыше родо-тукым кечылаште марий мероприятият шагалак огыл, манаш лиеш.

Васли Николаев,
«Тарту марий-влак ушем» вуйлатыше

2 комментария

Filed under Увер-влак

2 responses to “Тартушто марий ансамбль кок кече выступатлаш тӱҥалеш

  1. Римма

    Пайрем дене! Палемдыме мероприятийда сайын, чоным куандаршын эртышт. Тау суапле пашаланда.

    • Васли Николаев

      Тендамат. А Те, Римма Григорьевна, тиде арнян Таллинныште огыда лий мо? Конференцийыш каяш шонен пыштышым да Тендан денат вашлияш шонымаш ыле.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s