16-шо ноябрьыште М. А. Кастрен ушемыште Марий тиште кече, Финляндийын эрыкан лиймыжлан 100 ий темме вашеш погынымаш эртен. Тыште Светлана Элембаевам финн-влакым марла ойлаш туныктымо «Олмапу» книгажын лекмыж дене саламленыт. Тудым шукерте огыл Финн-Угор Ушем савыктен. Читать далее
Filed under Артикль-влак, Фото-влак
Культурологий доктор, профессор Галина Шкалина 30.06.2016 ий «Пошкудем» передачыште Финляндийыште, Лахтиште, эртыше Финн-угор калык-влакын VII тӱнямбал конгрессышт нерген ойла. Этноэкологий, финн-угор калык-влакын ончыкылыкышт нерген шонкала.
Налмывер: Марий Эл КТРК
Filed under Видео
Финн-угор калык-влакын VII Тӱнямбал конгрессышт эртыме годым чийӱлам шуктен шогышо финн-угор-влак пырля кумалтышым эртареныт.
Форум Финляндийын Лахти олаштыже 15 гыч 17 июнь марте эртен. Кокымшо кечынже Лахти воктен улшо Ориматтила кӱсотышто родо-тукым калыкна-влакын чийӱлаштым кучен шогышышт-влак пырля кумалтышым эртареныт. Читать далее
Filed under Увер-влак
Сорла тылзын кокымшо пелыжын Финляндийын тӱрлӧ верлатыже Марий Эл да марий-влак дене йӧршын у семын палдараш шонат.
Финн «ÄÄninen» (Йӱк) ансамбльын еҥже-влак 14-ше гыч тӱҥалын 29-ше август марте Суоми мучко «Matka marien maalle» (Марий мландыш корно) программе дене кошташ тӱҥалыт.
«ÄÄninen» секстетын концертлаштыже коллективын кок у семжым, модернле классикле музыкым колышташ лиеш. Программыште марий поэт Валерий Мамаевын почеламутшо-влак аудизвозымашым кучылтыт. Тыгак Меэри Коутаниемин Марий Элыште войзымо фотосӱретше-влакым ужаш лиеш. Читать далее
Filed under Увер-влак
2 декабрьыште, Суомин рÿдолаштыже, Хельсинкиште, «Ош Юмын ÿдырышт-влак. Марий ÿдырамаш модернизаций корнышто» (Valkoisen Jumalan tyttäret. Marilainen nainen ja modernisaatio) книган презентацийже лиеш.
Книга – «Марий ÿдырамаш модернизаций корнышто» проектын лектышыже. Тиде шанче сомылым Илдико Лехтинен (Ildikó Lehtinen) вуйлатен. Шымлымаш Морко кундемын Унчо ялыштыже икмыняр ий шуйнен. Читать далее
Filed under Увер-влак
Шукерте огыл кугу, кумда элнан касвел рÿдолаштыже – Санкт-Петербургышто пошкудо Финляндийын тÿвыра рÿдерже почылто. Тушко тиде событийым палемдаш Владимир Путин лÿмынак миен. Мыланна, марий-влаклан, финн калыкын тыгай сеҥымашке шумыжо, шкенжым уло тÿнямбал калыклан, япон калык гаяк, сай могырым ончыктен моштымыжлан кугешныман да нунын илыш опытыштым шымлыман, поснак тачысе самырык-влаклан. Ме вет ала-кунамак, тÿжемле ий ончычак, ик тÿшкаште вер гыч верыш вольыкна почеш кусныл коштшо калык лийынна. Лудшо-влак манын кертыт: у-у-у… тиде кунамак лийын? Ме кушто, а финн-влак кушто илат?! Йылмынат ойырлен пытен. Читать далее
Filed under Артикль-влак
MariUver 