Таче сорла тылзын 16-шо кечынже Хельсинкин музей-отроштыжо «Seurasaari Soi!» (Сеурасаари, йоҥго!) фестиваль почылтеш да 20-шо числа марте шуйна. Тушто Марий Эл гыч «Мурсескем» ансамбльат шке мастарлыкшым ончыкташ тӱҥалеш.
Эртарыше-влакын увертарымышт почеш пайрем таче, кугарнян, 17 шагатлан тӱҥалын.
Марий калык фольклор коллектив шуматкечын 14 ш. Анттин кумдыкыштыжо да 18 ш. Озан суртшын вучымо залыштыже шке мастарлыкшым ончыкта.
Тыгак «Мурсескем» ансамбльым рушарнян, 18-ше августышто, 13 ш. Халла пӧртыштӧ ужаш лиеш.
«Seurasaari Soi!» калык музык фестивальым Сеурасаари кава йымал тоштерыште 2007 ий гычак эртарат. Тудым Сеурасаари фонд организоватла. Тений тыгак кава йымал тоштер, М.А.Кастрен ушем, Финляндийыште верланыше «Эстон пӧрт» ассоциаций да «Розенталс» латыш тӱвыра ушем полшат.
«Seurasaari Soi!» фестивальын тӱрыс радамже финла >>
Сеурасаари тоштер нерген рашрак рушла >>
MariUver
Фотосӱретым фестивальын Фейсбукшо гыч налме
MariUver 
Чаманен каласыман, мемнан палыме да пагалыме «Мурсескем» калык фольклор ансамбль Финляндийыш “Сеурасаари, йоҥго!» фестивальыш толын толын кертын огыл. Молан манаш гын, нунылан “визым ыштен шуктен огытыл”. Тидын нерген кугарнян Санкт-Петербургышто гына кастеным пален налыныт, кеч документшым Озаҥыш пуэныт. Садлан, йоҥылыш уверым пуымемлан, вуеш ида нал.
К сожалению, марийский народный фольклорный ансамбль «Мурсескем» не смог приехать на фестиваль «Звени, Сеурасаари!» в Финляндии. В пятницу вечером в Санкт-Петербурге они узнали «что вызы не успели подготовить»… Или же, если честно, я не знаю о реальных причинах, почему они не смогли приехать на фестиваль… Прошу прощения, что ввел вас в заблуждение…