Сорла тылзын кокымшо пелыжын Финляндийын тӱрлӧ верлатыже Марий Эл да марий-влак дене йӧршын у семын палдараш шонат.
Финн «ÄÄninen» (Йӱк) ансамбльын еҥже-влак 14-ше гыч тӱҥалын 29-ше август марте Суоми мучко «Matka marien maalle» (Марий мландыш корно) программе дене кошташ тӱҥалыт.
«ÄÄninen» секстетын концертлаштыже коллективын кок у семжым, модернле классикле музыкым колышташ лиеш. Программыште марий поэт Валерий Мамаевын почеламутшо-влак аудизвозымашым кучылтыт. Тыгак Меэри Коутаниемин Марий Элыште войзымо фотосӱретше-влакым ужаш лиеш. В. Мамаевын почеламутшо-влакым возымаште Олег Кузьминых да Наташа Пушкина лудыт. Будапешт университетыште марий йылмым туныктышо Татьяна Ефремоват проектыште улеш.
М. Коутаниеми Марий кундемыш май тылзыште коштын савырнен. Тудо курыкмарий да олыкмарий яллаште лийын, тыгак Марий кугыжаныш университетыште докладым лудын. Марий Элыште уна фотосӱрет-влакым ыштен.
Концертыште марий калык але копозитор-влак возымо музык йоҥгаш ок тӱҥал. А музыкант-влак тачысе кечылан келшыше модернле классикле сем-влакым шоктат. Тиде лач кузе Касвелне модернле музык касым эртарат, тугай лиеш. Но США, Англий, Германий але Италий теме олмеш Марий Эл темым ойырен налынна, рашемдыш «Ääninen“ ансамбльын еҥже Вӓйнӧ Йалканен. Тыге изи, мондалтше родо-тукым калык деке мероприятийым эртарыше-влак тӱткышым кугемдаш шонат.
«ÄÄninen» ансамбль. Фото: Sigel Eschkol
Проект Финляндийын Конен, Музыкым вияҥдыме, Сымыктышым вияҥдыме фондышт-влак да «Hertz» фирмын полшымышт дене илышыш шыҥдаралтеш.
Кунам кушто программе дене палыме лияш лиеш ӱлнӧ ужыда:
Pe / Fri 14.8. Rovaniemi / Alaruokasen talo
La / Sat 15.8. Kittilä / Pöntsö, Galleria Raekallio
Ma / Mon 17.8. Suomussalmi / Vanha Kurimo
Ti / Tue 18.8. Kuhmo / Ravintola Neljä Kaesaa
Ke / Wed 19.8. Outokumpu / Teatteri Kiisu
To / Thu 20.8. Lapinlahti / Väärnin pappila
Pe / Fri 21.8. Kuopio / Kallamarinan makasiini
Su / Sun 23.8. Nurmes / Haikolan talo
Ma / Mon 24.8. Ilomantsi / Maukkulan mustikkamäki
Ti / Tue 25.8. Eno / Louhitalo
Ke / Wed 26.8. Jyväskylä / Kangas, Pergamenttihalli
To / Thu 27.8. Savonlinna / Taidelukion sali
Pe / Fri 28.8. Varkaus / Harjurannan kesäteatteri
La / Sat 29.8. Laukaa / Seurakuntasali
Рашрак инфом «ÄÄninen» ансамбльын Facebook-ыштыжо муыда.
Проектым илышыш шыҥдарыше-влакын материалышт негызеж
MariUver
Фото: Меэри Коутаниеми, Sigel Eschkol
© Тиде уверым тӱрыснек але уверын ужашыжым кучылтмо годым MariUver сайтыш http://mariuver.com кылверым пуыман
MariUver 