Финн-угор калык-влакын VII Тӱнямбал конгрессышт эртыме годым чийӱлам шуктен шогышо финн-угор-влак пырля кумалтышым эртареныт.
Форум Финляндийын Лахти олаштыже 15 гыч 17 июнь марте эртен. Кокымшо кечынже Лахти воктен улшо Ориматтила кӱсотышто родо-тукым калыкна-влакын чийӱлаштым кучен шогышышт-влак пырля кумалтышым эртареныт. Тушто финн-угор калык-влак да нунын йылмышт аралалт кодышт манын кумалыныт.
Юмылан кумалмаште финн, эстон, водь, сето, марий да одо калык гыч еҥ-влак лийыныт. Уда игечым ончыде, ала-мыняр конгресс делегат ден эскерышат толыныт ыле. Но чыла шонышо толын кертын огыл, молан манаш гын, ты кечынак конгресс шке пашажым посна теме-влаклан пӧлеклалтше группылаште шуен.
Кажне калык шнуй верыште шке йылмыж дене пелештен. Кумалтышым акрет финн кумалтыш да руномуро дене почыныт да петыреныт. Вара погынышо-влак чылан пырля кондымо кочкышыштым авызленыт.
Кумалтышым Финляндийын «Тайваннаула» да Эстонийын «Маавалла Кода» чийӱла ушемышт-влак эртареныт.
«Тайваннаула» да «Маавалла Кода» увер негызеш
MariUver
MariUver 