«Шӱртньымек ида камвоч»

Тыге маналтеш Светлана Алексееван икымше прозо книгаже. Тиде изданийыш пурышо произведенийлаште автор ончыл верым тӱҥ шотышто ӱдырамашлан ойыра, увертара Марий книга савыктыш «КонтактЫште» мервотышто.

Герой-влак тӱрлӧ ийготан, ондакысе да кызытсе пагытыште илыше улыт. Койыш-шоктыш, пӱрымаш, ыштыш-кучыш дене нуно икте-весе деч палынак ойыртемалтыт, илыш нерген угычын келгынрак шонкалаш амалым шочыктат.

«Четлык кӧргӧ ӱдырамаш тӱсан огыл» циклыш пурышо «Озадыме пӧрт» повесть ден ойлымашыже-влак айдемын шала да осал койыш-шоктышан улымжо пиалан ончыкылык деч посна шогалтен коден кертме нерген ойлат.

Тиде сылнымут цикл лудшым, утларакше самырык тукымым, йоҥылыш пашам ыштымаш деч шекландарыме шонымаш дене возалтын, воза Марий книга савыктыш.