Тальянке – итальянка мут гыч лектын. Тудым Европышто 1822 ийыште немыч мастар Фридрих Бушман шонен луктын. Вара семӱзгар XIX курым мучаште Российыш логалмеке, вашталтын. Тидын нерген Рамис Латипов Facebook мервотышто ойла.
Тальянке, поснак суас, тыгак марий-влак коклаштат шарлен. Тудым менан кок калыкна поснак йӧратен шынден. Молан?
Суасынат, марийынат ожно умша комыж/ковыж, татарла кубыз, акрет семӱзгарже лийын. Айдар Абдрахимовын шонымыж почеш тальянкын негызше ковыж улеш. Тудын кӧргыштыжӧ шуко тӱрлӧ йӱкан ковыжым погымо, южым мех поша.
Вот садланак дыр суас дене марий-влак тальянкым поснак чот йӧратен шынденыт.
Рушла видеокаласкалымашым тӱрыснек Facebook мервотышто ончыза.
MariUver
MariUver 