MariUver

«Кутко еш SMS» — тыгай лӱман журналын икымше номерже шукерте огыл ош тӱням ужын. Тудым «Кече-Солнышко» журналын тӱҥ редакторжо Антонина Шакирован полшымыж дене кугурак класслаште тунемше йоча-влак шкеак ямдыленыт.

А тиде проектлан шийвундым М.А. Кастрен ушем да Марий Элысе Тӱвыра, печать да национальность паша шотышто министерство ойыреныт. Читать далее →

Теҥгече М.Шкетан лӱмеш кугыжаныш театрыште Финн-угор сылнымутчо-влакын Х тӱнямбал конгрессышт почылтын.

Тышке лӱмлö писатель, шымлызе-влак дене вашлияш Марий Элнан районлаж гычат серызе йолташна, тӱвыра пашаеҥ, туныктышо-влак толыныт. Тӱрлö кундемла гыч чумыргышо родына-влакын  вашлийме куаныштым ялыште илыше йолташна-влакат авалтышт. Читать далее →

В.Макаров П.Домокошым вашлиеш

Таче Марий Элнан рӱдö олаштыже, М.Шкетан лӱмеш кугыжаныш театрыште, Финн-угор серызе-влакын Х тӱнямбал конгрессышт почылтеш.Тиде кугу форум шочмо калыкнан илышыштыже лӱмгечан кугу пайрем семын увертаралтын.

А ончыгече Москва-Йошкар-Ола поезд мӱндыр уна-влакым кондыш. Финляндийын, Венгрийын, Эстонийын ӱдыр-эргышт кугезе тукымын тӱп мландышкыже тошкальыч. Читать далее →

“Сарта” книгä лыкмаш тене кäнгӹжӹм кого пäшäм ӹштен, тӹдӹ кымдан пäлӹмӹ финн сирӹзӹ Вäйнö Линнан романжым кырык марла пецäтлен лыктын. Кырык марлангдымы романышты 466 ӹлӹштäш. Яжо дизайнан дä яжо квалитетäн пумагаэш книгäм Суомиштӹ пецäтлӹмӹ. Ти романым алык марлаат лыдаш лиэш, тидӹм кок и перви Йошкар-Олашты лыкмы, алык марлангдышы Василий Яналов ылеш. Ти книгä Йенни дон Антти Вихурин Культура Фондын, Нийло Хеландерӹн Культура Фондын дä Суомин Сӹлнӹшая инфоцентрын палшымышты доно лäктӹн. Лыдшым романын анзыл шаяжы доно пäлӹмӹм ӹштенä. Читать далее →

Валентина Смирнова

Изи годым кажне еҥ, очыни, «кеч ик гана да киношто модын ончышаш ыле» манын шоналтен. Да, ош тӱням ужмеке, икмыняр пагыт гыч мландын пеҥгыдылыкшым шижме деч вара йоча эн ончычак кӧ лияш кумылан улмыж дене палдара. 1941 ий 23 майыште Волжский районысо Сотнур селаште шочшо, икмыняр жап гыч Звенигово районысо Эсмекплякыш коча-коваж деке илаш куснышо да Читать далее →

Л.Яковлева VIII Марий погынышто

Теҥгече Мер Каҥашын вуйверже черетан вашлиймашым эртарен.

Тӱҥ йодыш семын Мер Каҥаш вуйлатыше Лариса Яковлева черетан пленумлан ямдылалтме йодышым нӧлталын.

Кокымшо пленумым 25 октябрьыште чумыраш кутырен келшыме. Читать далее →

Марий Эл Республикын рӱдолаштыже ноябрьын кокымшо пелыштыже «Майатул» — Финн-угор театр-влакын тӱнямбал черетан 7-ше фестивальышт почылтеш.

Фестиваль кок ийлан ик гана эрта. Тыште финн-угор калык-влакын театрышт шке спектакльыштым аклаш луктыт. Ончыч фестивальышке Россий Федераций да лишыл йот элла гыч 14 коллектив наре ушнен. Читать далее →

"Пайрем" группо Хельсинкиште

«Пайрем» марий рок-группо тений февральыште веле шочын гынат, пел ий жапыште тудо шуко мутланымашым луктын, калыкыште, поснак финн-угор тÿняште, шукыштлан сайын палыме лийын шуктен. Тидым шотыш налын, таче тудын солисткыже, МарКУ-што хормейстерлан пашам ыштыше Эльвира Курай ден менеджерже Алина Рычина дене мутланышна. Читать далее →

Марий ӱдыр-влак верысе калык коклаште

Июль мучаште Дагестанын рӱдӧ олаштыже, Махачкалаште, «Курык коклаште илыше-влак» фольклор да калык йӱла кумшо тӱнямбал фестиваль эртен.

Тушто Российын Йӱдвел Кавказысе республикыж-влак деч посна Алтай, Краснодар край-влак, Астрахань, Киров, Оренбург, Ростов областьла, Башкортостан ден Марий Эл республикыла гыч ансамбль-влак лийыныт. Тыгак Азербайджан, Индий, Турций, Казахстан, Мексика, Словакий гыч участник-влак толыныт. Читать далее →