Category Archives: Артикль-влак

(Вуйлатыше В.Н.Козловын докладше)

«Марий ушемын» тисыже 2015 ийысе Пеледыш пайремыште

2015 ий 24 январьыште, «Марий ушемын» отчёт да сайлымаш конференцийышкыже погынышо калыкын, очыни, тыгай йодышыжо лийын: «Мо ок сите тиде Лайд Шемйэрлан? Адакат «Марий ушем» вуйлатышылан шогалнеже? Вет тудо пытартыш 20-25 ий жапыште мер пашалан тугакшат тынар жапым йомдарен, каналташат ок шоналте мо? 1990-ше ийлаште эреак Финн-угор калык-влакын самырык ушемлан (МАФУН) вийжым пуэн, 2004–2008 ийлаште Оньыжа лийын. Шке специальностьшо почеш да шонымо пашажлан, еш йодышлан эн кугу верым ойырымо олмеш пӱтынь жапшым марий калык йодышлан пуэн. Читать далее →

Теҥгече, 27 августышто, Йошкар-Ола Виктер пӧрт ончылно эртыше митингыште «Марий ушем» вуйлатыше Владимир Козловын ойлымыжо. Митинг нерген рашрак сайтнан рушла ужашыштыже лудын кертыда.

Пагалыме марий калык!

Йошкар-Олаште да пӱтынь Марий кундемыште илыше пагалыме пошкудо калык-влак, уна-влак! Читать далее →

Пушеҥгын вийже – вожышто, калыкын – у тукымышто. Тиде ойышко келге шонымаш шыҥдаралтын. Арам огыл Россий кÿкшытан VII марий самырыктукым слётын темыже лач тыге йоҥген. Тудо 2015 ий 8-12 июльышто Марий Эл Республике Провой кундем Чакмарий школ пелен эртен. Тушко Марий Элын кажне гаяк районжо ден олаже, Виче, Одо, Пошкырт, Татарстан, Пермь кундемла, Моско ден Санкт-Петербург олала гыч 67 чолга еҥ ушнен. Читать далее →

Алена Иванова (шолаште) фестивальыште

Шукерте огыл Эстонийыште эртыше финн-угор FUFF фильм фестивальыште марий чынилыш киномат палемденыт.

Тиде чолга марий ӱдыр дене вашлиймеке, шуко ум, оҥайым пален налаш лиеш. Тудо эре ойла: «Уста еҥ чыла шотышто уста лийшаш». Кажне арнян тудо мемнан дене «Пошкудем» видеоканалыште саламлалтеш, «Шӱмсем пӧлекым» кучыкта. Чон йодмо почеш видеоочерк-влакым ямдыла. Читать далее →

Интервотышто марий йӱкпале да йоҥылыш деч посна возаш мо кӱлеш? Тидын нерген ойлен налына.

Мутат уке, марий йылмым сайын палыде моторын да йӧршын йоҥылыш деч посна возаш ок лий. Но туге гынат, тӱрлӧ техникле йӧным кучылтын возымаште ятыр ситыдымашым кораҥдаш лиеш.

Але марте марий газет, журналлаште тӱрлӧ шке ыштыме марий шрифтым кучылт возеныт да, чаманен каласыман, таче мартат тыгак возат. Тидлан лӱмын марий букван шрифт-влакым, нунылан келшыше полдышоҥа радамым компьютерышкыда шындыман. Читать далее →

Эллина Архипова 5 мартыште юбилейжым палемдыш. Кумдан палыме тиде марий композитор, чолга марий ӱдырамаш дене ме моткочак кугешнена да тудым чот пагалена! Санденак 8 Мартлан пӧлеклалтше «Ӱдырамаш корно» мужыр лаштыкыштына лач тудын нерген каласкалена. Тудын ӱдырамаш семын ойыртемалтмыжым пален налме шуо. Читать далее →

Карманкурык — Элнет

Тыге маналтын калыкыште тале мер пашаеҥ семын палыме литератор, журналист да краевед, Валентин Колумб лӱмеш историй да сылнымут тоштерым вуйлатыше Лайд Шемйэрын, Владимир Никифорович Козловын, 55 ияш лӱмгечыжлан да мер пашаште тыршымыжлан 35 ий теммылан пӧлеклалтше усталык касше. Тудо 9 январьыште Йошкар-Олаште, Самырык-влак полатыште, эртыш. Читать далее →

Теле тылзын 14 кечынже Тартушто илыше марий-влак Изи Рошто-Шорыкйол-У ий пайремым марла эртарен колтышт. Тыгак эртыше ийым иктешлыме.

Йоча-влаклан У ий программе 15 шагатлан Литератур пӧртыштӧ тӱҥалын. Пайремым Татьяна Албахтина ден Светлана Акельдина вӱденыт. Марий рушарня школышто тунемше-влак «Лӱдшӧ мераҥ» йомакым модын ончыктеныт. Кок командылан шелалтын, пайремыш толшо-влак тӱрлӧ модышлаште шке вуй уш писылык, чолгалыкыштым ончыктеныт да таҥасеныт. Читать далее →