Шукерте огыл кугу, кумда элнан касвел рÿдолаштыже – Санкт-Петербургышто пошкудо Финляндийын тÿвыра рÿдерже почылто. Тушко тиде событийым палемдаш Владимир Путин лÿмынак миен. Мыланна, марий-влаклан, финн калыкын тыгай сеҥымашке шумыжо, шкенжым уло тÿнямбал калыклан, япон калык гаяк, сай могырым ончыктен моштымыжлан кугешныман да нунын илыш опытыштым шымлыман, поснак тачысе самырык-влаклан. Ме вет ала-кунамак, тÿжемле ий ончычак, ик тÿшкаште вер гыч верыш вольыкна почеш кусныл коштшо калык лийынна. Лудшо-влак манын кертыт: у-у-у… тиде кунамак лийын? Ме кушто, а финн-влак кушто илат?! Йылмынат ойырлен пытен. Читать далее
Category Archives: Артикль-влак
Финн-влак деч шукылан тунемаш лиеш
Filed under Артикль-влак
«Ош виче сем» ансамбль «Интерфолк» фестивальыш миен толын
«Эрвелмарий-влакын ÿшаныштым сулаш тыршышна», — маныт «Интерфолк» фестивальыш миен толшо «Ош виче сем» ансамбльын участникше-влак.
28 сентябрьыште ме Санкт-Петербургын кÿртньыгорно вокзалышкыже миен волышна. Мемнам Санкт-Петербург ола да Ленинград область марий-влакын землячествыштым вуйлатыше, тале мер пашаеҥ Станислав Дигитаев вашлие. Читать далее
Filed under Артикль-влак
Марий Кугыжаныш Погынын депутатыш кандидат В.П.Воронцовын шомакше
Тений 11 октябрьыште республикыштына Визымше созыв Кугыжаныш Погынын да верысе самоуправленийын органлашкышт депутат-влакым сайлымаш эрташ тÿҥалеш. Марий Элысе Кугыжаныш Погыныш 52 депутатым сайлаш тÿҥалына. Тышечын пелыже тÿрлö партийна гоч эртат гын, вес пелыже ик мандатан округла гыч сайлалташ тÿҥалыт.
Кугыжаныш кучемын законодательный органышкыже сайлалтше депутат-влак республикына сайын вияҥже, ончыко ÿшанле ошкылым ыштыже манын, закон-влакым луктыт, ончыкылыклан тÿрлö программа-влакым пееҥгыдемдат. Читать далее
Filed under Артикль-влак
Культур илышыште у тургым тÿҥалын
Тӱвыра илыш нужналыкым, укелыкым огеш пале. Тудо кеч-кунамат эн тутло эм гай: чыла йӧсым, ойгым мондыктара, волышо кумылым кӱшкӧ нӧлталеш, чоным шулдыраныш савыра да эрласе кечыш вончаш вийым пуа. Чыла тыгай сомылым лач пашалан кожмак да илышым йӧратыше еҥ-влак гына шуктен кертыт.
Республикысе Калык усталык да тӱвыра ден каныме пашан шанче-методик* рӱдерын вуйлатышыже Тамара Дмитриева (снимкыште) дене ты аланыште гӱжлышӧ паша нерген мутым вашталтена. Читать далее
Filed under Артикль-влак, Видео
Марий сӱрет да семмастар-влак Сербийыш фестивальыш миен толыныт
Марий тÿвыра да сымыктыш аланыште тыршыше мастар-влак кеҥеж жапыште каненыт веле огыл, южышт эше тӱрлö кундемышке миен коштыныт, шке усталыкышт дене палдареныт. Ик тыгай тӱшка августышто эсогыл Сербийыш шумеш корным кучен. Тышкыже лӱмлö художник Иван Ямбердов, тудын коллегыже Сергей Алдушкин, уста музыкант Арсений Яйцов да Фаина Эшмякован вуйлатыме кӱслезе трио (тушто самырык семмастар-влак Таня Емельянова ден Алена Данилова шоктат) пуреныт. Читать далее
Filed under Артикль-влак
Мыняр студент марий йылме дене илыш корныжым кылден
Шöртньö шыже кечын икымше йыҥгыр тÿжем дене икшывым, студентым парт коклаш пуртен шындыш. Студент радамыш ушнышо ÿдыр-рвезе-влаклан тений молгунамсе деч ойыртемалтше корным эрташ – тÿҥ шотышто иктешлыше кугыжаныш экзаменын лектышыж дене тунемаш пураш — вереште. Тидлан школышто экзамен тургым тÿҥалме марте ончыкыжым налшаш специальностьым да вузышко тунемаш пураш могай предметын кÿлешлыкшым рашемден шуктыман лийын. Читать далее
Filed under Артикль-влак
Мары йӹлмӹ дон культура верц, Чебоксар ГЭС ваштареш
Сирӹзӹвлä дон артньыквлäн ”Кийла” (Ишкӹ) лӹмäн регистрируйымы организациштӹ Россий Федерацин вуйлатымашын дä президент Медведевӹн Чебоксар ГЭС-ым пакыла кузыктымы планышты ваштареш ылеш. Проект семӹнь Йылын кÿкшӹцшӹ 63 метр гӹц 68 метр якте кузыктымы лиэш. Тидӹ паштек Марий Эл дон Суасламары Республикывлäштӹ дä Угарман областьышты 165 000 гектар мÿлäндӹ вӹд пындашеш кодеш. Вӹдӹн кÿкшӹцшӹм лÿктäлмäш социальный нелӹцвлä дон экологи дон экономикӹштӹш катастрофывлäм канда. Читать далее
Filed under Артикль-влак
Марий театрлан 90 ий темеш
М.Шкетан лӱмеш калыкле* драме театр — марий калыкын сымыктышыжым* чапландарыше рӱдö вер. Тений тудлан 90 ий темеш. Артист-влак у тургымыштым тиде лӱмгече денак кылдат. Кызыт тушто репетиций эрта.
— 90 ияш лӱмгечым сай кӱкшытыштак палемден, эртарен колтынена, — ойла М.Шкетан лӱмеш театрын тӱҥ режиссёржо, Марий Элын сулло артистше Роман Алексеев. Читать далее
Filed under Артикль-влак
«Марий тÿвыра, куштымаш эре чонем тургыжландареныт», —
тыге ойла Дöртыльö районысо Чарлак ялын рвезыже Владимир Аптулаев. Тудын дене мый тусо школышто эртарыме Тукымвож пайремыш мийымем годым палыме лийынам. Тунам Владимир пайремым эртарыше-влак кокла гыч иктыже ыле. Пеш чолга, чулым рвезе сем почеш туге лывыргын куштен. Такшым Владимир ондакат, Благовещенск педколледжыште тунеммыж годымат, «Чолман» газет дене кылым кучен, студент илыш нерген возгален. Но вара молан дыр туддеч серыш-влак толмым чарнышт. Читать далее
Filed under Артикль-влак
«Пьесыш курык марий тӱсым пуртем»
Марий кундемыштына куд профессионал театр кокла гыч иктыже поснак ойыртемалтеш. Тудо Цикмä оласе калык тÿвыра полатыште верланен. Курык марий калыклан — посна театр.
Тиде драма театрыште сылнымут ужашым вуйлатышылан Валентина Степанова 10 ий пашам ышта. Курык марий йылме дене возышо драматург таче кечын пеш шагал, садлан пьесым шукыжо руш йылме гыч курык марлашке кусараш логалеш. Читать далее
Filed under Артикль-влак
MariUver 