«Пьесыш курык марий тӱсым пуртем»

Валентина СтепановаМарий кундемыштына куд профессионал театр кокла гыч иктыже поснак ойыртемалтеш. Тудо Цикмä оласе калык тÿвыра полатыште верланен. Курык марий калыклан — посна театр.

Тиде драма театрыште сылнымут ужашым вуйлатышылан Валентина Степанова 10 ий пашам ышта. Курык марий йылме дене возышо драматург таче кечын пеш шагал, садлан пьесым шукыжо руш йылме гыч курык марлашке кусараш логалеш.

— Пьесым кусарыме годым мый шкенан курык марий калыкнан илыш-йӱлажым шотыш налам. Шкенан калыкмутнамат пуртен колтем. Такмак орлаҥгыжат шкенанак лийже. Тыге зрителят моткоч умылен вашлиеш, — ойла тудо.

Валентина Ивановна шочынжо Курык марий вел гычак. 1979 ийыште Марий кугыжаныш университетын историй да филологий факультетшым тунем лектын. Тунеммыже театр пашаште моткоч полша.

Кусарыме пашаже-влак кокла гыч икмыняржым палемденак кодымо шуэш.  А.Коровкинын «Около любви» комедийже «Яратымаш лишнӹ», М.Ладон «Маруся-Маша»… счастье наше» пьесыже «Маруся — Маша… мäмнäн цäшнä», Ф.Буляковын «Выходили бабки замуж» комедийже «Кыце папивлä марлан кенӹт» лӱм дене кусаралтыныт. Спектакльлаж дене театрын коллективше Финн-угор театр-влакын «Майатул» тӱнямбал фестивальыштышт, «Театральный Йошкар-Ола» фестивальыште ик гана веле огыл лауреат лӱмым сеҥен налын, артист-влак эн сай рольым чоҥымыштлан премий дене палемдалтыныт. А «Театральный Йошкар-Ола» фестивальыште «Маруся — Маша… мемнан цäшнä» спектакль дене гран-прим сеҥен налмыштым поснак палемден кодымо шуэш.

М.Шкетанын «Кок сӱанат пеле» комедийжат Валентина Степанован кусарымыжлан кöра сценыште курык марла йоҥга. А ончыкыжо Курык марий театрыште олык марий драматург-влакын пьесыштланат утларак чӱчкыдын эҥерташ шонымашан улыт.

Тений театр у тургымжым 8 октябрьыште В.Гуркинын «Забайкальская кадриль» пьесыж почеш марлаҥдыме «Кадриль» комедий дене почеш. Тиде пьесымат курык марий йылмыш Валентина Ивановна кусарен.

Юрий Григорьев

Снимкыште: Валентина Степанова
Авторын фотожо

2 комментария

Filed under Артикль-влак

2 responses to “«Пьесыш курык марий тӱсым пуртем»

  1. Ончышо

    Вот Марий Эл тöра-влак эре марий культур нерген «азапланымышт» нерген кычкырат. Мый гын тиде «забото» манметым ом уж. Республикыште руш черкылам да ала-могай кремыльым чоҥаш миллион дене оксам арамак пытарат. Тиде жапынак ни Курык марий, ни Самырык театрын шке пöртыштат уке. Ок лий кеч изирак посна зданий-влакым нуныналан чоҥен шындаш? Самырык театрже ынде 15 ий утла нöреплаште илен коштеш — тидыже вет намыс!

  2. Tsikma

    Shälä! Törým siret, Onchysho!

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s