Эрла эстон-влак Шочмо йылме кечым пайремлат

14 мартыште Эстонийыште Шочмо йылме кечым (Emakeelepäev) палемдат.

Эстонла тӱняште 1,1 млн наре еҥ кутыра, нунын кокала гын 950 тӱжем еҥже Эстонийыште ила.

Эстон йылме Эстонийыште кугыжаныш йылме улеш, эстонла школлаште, кӱкшӧ да моло тунемме верлаште туныктат.

Эстонла пеш шуко книга, газет, журнал савыкталтеш. Тыгак эстон йылме дене ятыр ТВ-канал да радио ышта.

Туге гынат, шымалымаш ончыктен — пытартыш ийлаште самырык эстон-влак коклаште шочмо йылмым палымаш начарешт толеш.

Тений эстон школлаште чыла предметлан жапым жагалемдыме нерген закон лектын, тудлан кӧра эстон йылме да сылнымутлан ойырымо жапат 105 шагатлан шагалемшаш улмаш.

Но шуко эстон интеллигент, тӧнеж* тидын ватареш лийын да садлан Эстонийын туныктеж* министрже эстон йылме да литератур шагатым тошто семынак кодена ман сӧрен.

MariUver

Фотом Postimees гыч налме: йочасадыште Шочмо йылме кечым пайремлат. Фотом кугемдашлан темдал.

*тӧнеж — учреждений, туныктеж — образований.