Эрла сорла тылзын 24-ше кечынже Марий Эл Телерадио (МЭТР) Йошкар-Олан Патриархын кумдыкыштыжо кугу концертым эртара. Радион шочмыж, вияҥ толмыж да ончыкылык пашаж нерген Марий Эл ТВ шке передачыштыже каласкала.
Видео: МЭТР
Марий Эл Радио 14 ийжым концерт дене палемда
Filed under Видео, Марий муро, Тӱвыра да сымыктыш, Увер-влак
MariUver 
Ӱшанен кодына Марий Эл Радиом вашке угыч Интернетыштат колышташ лиеш. Уке гын, тӱня вотышто виш трансляцийым петырымаш мыйым гына огыл, шуко моло марийымат пеш ӧрыктарен. Вет калыкнан пелыж деч утларак ужашыже Марий Эл деч ӧрдыжыштӧ ила. Да мемнан, моло кундемлаште илыше-влакын, кызыт онлайныште марий ТВ да радиом ончаш, колышташ йӧн уке.
Да молан «Патриарший площадь» мутым марлаш огыда кусаре? Марий Эл КТРК кунамсек руш «площадь» мут олмеш «кумдык» мутым кучылтеш, тугеже гын, марла тиде «Патриархын кумдыкшо» але «Патриарх кумдык» лиеш… Изишак руш йылме кышкар гыч лектын, марла шонаш тыршыза, тунемза!
Фейсбук мервоштышто тидын шотышто Эрвэл Мари воза:
Тугэ, мнарэ айдэмэ вӱмӓ (crowdfunding) дэнэ полшаш кэртыт? Куго проблэмэ огыл шонэм… 50〜100 тэҥгэ гишан✕1000йэҥ (колшызо-влак 8000 утла) пуат гын чумыржо йажо суммо чыпчэш, докан…
Молан марий-влак, Россий федерацийын гражданинже-влак, шочмо йылмышт дене уверым налаш — радиом колышташ шке тӱлышаш улыт? РФ — тиде федераций, кушто чыла тӱп калык да йылме Конституций почеш ик тӧр праван улыт. Марий йылмым арален кодымо верч, эн ончыч, РФ кугыжаныш шонышаш. Тыгак марий-влаклан шке шочмо йылмышт дене радиом колышташ, ТВ ончаш йӧным ыштышаш. РФ кугыжаныш — пеш поян, ала-молан элын поянлыкше ик калыкын йылмыжым гына арален кодаш кучылталтеш. Моло руш огыл калыкше тулык йочала ила да шке йылмыжым, тӱвыражым шке кӱкшытеш кучен шогышаш… Кугыжанышын поянлыкше — РФ-ште илыше чыла калыкын поянлыкше. Марий-влакат социалле да парыш гыч (подоходный) кугыжанышлан надырым (налогым) тӱлат!
Поро эр МАРИИ ЭЛ, 14 ий пайрем дене «МАРИЙ ЭЛ РАДИО»