Тенийысе август Поранча район Матародо ялысе калыклан кужу жаплан шарналт кодеш дыр. Ик арня жапыште изижге-кугужге киноискусство деке лишкырак лийын кертын. Шукынжо палат, верысе школ пелен Марий кинолагерь пашам ыштен. Тудын нерген ты школын участникше-влак, Шкетан лӱмеш марий калыкле драме театрын артистше-шамыч Акпарс Иванов ден Андрей Яруков каласкалат.
Республикынан лӱмгечыже вашеш рубрикыштына Марий кундемын вияҥме историйжым шымлыме пашашке кугу надырым пыштыше Алексей Васильевич Хлебников нерген ойлена. Тидым ышташ Марий кугыжаныш архивын публикаций ден документым кучылтмо пӧлкажын тӱҥ архивистше Алексей Максимович Кленов полша.
Налмывер: Марий Эл КТРК
MariUver 