Йылмым, сылнымутым да историйым шанчын шымлыше Валериан Васильев лӱмеш Марий институт ятыр ий вучымо «Марий орфографий мутерым» савыктен.
Тышке чынвозыш ден пунктуаций правил-влак, орфографий мутер пуреныт. Нуным 1992 ийысе «Марий орфографий мутер» да 1972 ийысе тыгаяк книгаште савыкталтше пунктуаций правил-влак негызеш ямдылыме. Тыгодым икмыняр вашталтышым, ешартышым ыштыме. Читать далее
Filed under Увер-влак
Шукерте огыл Марий Элын рӱдолаштыже юнкор слёт лийын.
Марий Элын тӱрлӧ районжо гыч, Киров область, Татарстан, Пошкырт республикыла гыч 30 икшыве И.Палантай лӱмеш тӱвыра колледжын тӱшкагудыштыжо иленыт.
Тений юнкор пашаште чолган тыршыше изирак ийготан икшыве-влакым чумырымо. Садлан слётым эртарыме верлан Йошкар-Олам ойырымо. Читать далее
Марий юмыйӱла ушемын Шернур пӧлкаже Чумбылат кумалтышлан ямдылалтеш.
Тений тудым 1 июльышто эртарат. Тушко Марий Элнан чыла кундемлаж гыч мер калыкым вучат.
Йошкар-Ола гыч Чумбылат мландыш каяш кумылан-влакым Марий тӱвыра рӱдер иктеш чумыра. Тидлан +7-927 877 57 49 але +7- 906 334 24 80 номеран телефон дене йыҥгыртыза. Читать далее
Filed under Увер-влак
Татарстаныште «Семык» пайремым кузе эртарат, тидын нерген «Марий Эл ТВ»-н «Марий йӱла» передачыштыже каласкалат:
Видео налмывер: video.vmariel.ru
Filed under Видео
Мурызо Вероника Сергеева «Марий Эл ТВ»-н 17-ше «Семалан» передачытыже «Тылат ӱдырем» мурын шочмыж нерген каласкала:
Видео налмывер: video.vmariel.ru
Filed under Видео
Марий опер да балет театр «Акпатыр» оперын у шындымашыжым (постановкыжым) ямдыла. Тидлан С-Петербург гыч у сӱретче-шындышым (художник-постановщикым) да Моско гыч куштымашым шындышым ӱжмо. Тидын нерген «Марий Эл ТВ» каласкала:
Видео налмывер: video.vmariel.ru
Filed under Видео
Марий самырыктукымын кумшо слётшо тений сӱрем тылзын 10-15 кечылатыже лиеш.
Ӱдыр-рвезе-влак ты слётым моткоч йӧратен шынденыт. Кодшо ийысе толшо-влак Интернет полшымо дене кылым кучат, тунеммышт, пашашт, куанышт, сеҥымашышт дене палдарат. Слёт марий самырык тукымлан волгыдо ончыклыклан ӱшаным пуэн, чолга вий-куатым ешарен да ӧрын-вожыл шогымо койышым кораҥдаш полша. Читать далее
Filed under Увер-влак
Эртыше изарнян Мер Каҥаш вуйлатышын алмаштышыже Валерий Мочаев каҥашпогыным эртарен.
Районла гыч толшо мер еҥ-влаклан увертарен: Мер Каҥаш вуйверын еҥже-влак Пӱтыньрушэлысе калык фронтыш пураш кутырен келшеныт. Тыгодым 12 еҥ гыч кокытшо ваштареш улмо кумылым ончыктен. Мер Каҥаш Калык фронтын программышкыже шке темлымашыже-влакым пурташ ямдыла. Читать далее
Filed under Увер-влак
Шукерте огыл йоча ден ава-влаклан сылнымутчо, журналче Зоя Дудинан «Муралте, авай, марий мурым: шепкамуро-влак» почеламут погыжо лектын.
Тудо «Саскавий» марий ӱдырамаш ушемын проектше негызеш савыкталтын. Сборникыште почеламут аршаш, шепкамуро-влак йоча кумыллан келыштаралтыныт. Вет чылажат аван шӧржӧ гыч тӱҥалеш. Читать далее
Filed under Увер-влак
Мемнан йылмына (авайылмына, ончо: венгрла anyanyelv, финнла äidinkieli, эстонла emakeel, кушто anya, äiti, ema “ава” + nyelv, kieli, keel “йылме”; немычла Muttersprache, кушто Mutter “ава” + Sprache “йылме”) урал йылме-влак тӱшкашке пура, тыге венгр, финн, эстон, саам да Россий Федерацийыште илыше вес финнугор да самоед калык-влакын йылмышт дене родо улеш (тидым чыланат сайын палена).
Типологийже дене, але вес семынже, грамматике формо-влак кузе ышталтмым ончен, агглютинатив йылмылан шотлалтеш. Тидыже теве мом ончыкта: Читать далее
Filed under Артикль-влак
MariUver 