Мер Каҥаш Калык фронтыш пурынеже

Эртыше изарнян Мер Каҥаш вуйлатышын алмаштышыже Валерий Мочаев каҥашпогыным эртарен.

Районла гыч толшо мер еҥ-влаклан увертарен: Мер Каҥаш вуйверын еҥже-влак Пӱтыньрушэлысе калык фронтыш пураш кутырен келшеныт. Тыгодым 12 еҥ гыч кокытшо ваштареш улмо кумылым ончыктен. Мер Каҥаш Калык фронтын программышкыже шке темлымашыже-влакым пурташ ямдыла.

В.Мочаев Пеледыш пайремлан ямдылалтме нерген ойлен. 16 июньышто пайремыш ӱжшӧ автопробег Йошкар-Ола гыч тарвана. Тений тушко ушнышо-влак Йошкар-Ола-Шолэҥер-Кокласола-Волжск — Звенигово-Медведево калык дене вашлийыт. Регионла гыч шӱдӧ наре уна толшаш.

Зоя Глушкова

Налмывер: «Марий Эл» газет

7 комментариев

Filed under Увер-влак

7 responses to “Мер Каҥаш Калык фронтыш пурынеже

  1. Лайд

    Мер Каҥашын Народный Фронтлан темлымашкыже тыгай пункт-влак пурталтыныт маныт, чын мо:
    — Пермь кундемыште да Марий Элыште школ-влакым петырыме деч арален кодаш… (Вет тений Торьял районышто улыжат-укежат 4 школ гына кодеш. Огыда ӱшане – вараш ида код. Отым руэн кудалтуме семынак. Ах, Чаваайн 106 ий ончычак чын каласеҥ “пушеҥге руышым мый вурсем”).
    — марий кӱсотым руышым наказатлаш да тетла руаш пуаш огыл.
    — чыла сайлымашым чын корно дене виктарен колташ, ондакысе шояче койышым кудалтен, совестян еҥ-влакым гына сайлаш. Уке гын бессовестный-влак верч илыш кумыкталтеш да т.м.
    — 2001-2011 ийлаште петырыме марий-школ-влак олмеш у школ-влакым чоҥаш тӱҥалаш, тидлан марий калык деч оксам погаш тӱналаш.
    — 1917 ийыште кугезына-влакын опытыштым штыш налын, марий яллаште угыч клуб-влакым, лудмо пӧртым почаш тӱҥалыш, гоударствын тидлан оксаже уке гын, ялысе-влак кӱшеш тидым ышташ да т.м.
    — пытартыш ийлаште Марий Эл гыч шыгыремден лукмо мари-влакым Марий кундемыш угыч пӧртылаш сӧрвален йодаш да т.м.
    Ала вара тачысе Мер каҥашын чынже денак тидлан вийже сита?..

  2. Рамай Юлдаш

    Мер Канаш должен представлять все течения марийского общественного движения от радикалов, конформистов, каллобарционистов, сепаратистов, традиционалистов, теистов, крещенных, анархистов, социалистов, коммунистов и так далеее..и вступление верхушки канаша без согласия представителей сьезда -это нарушение устава, и программных документов-это перечеркивание почти 20 летней деятельности мер канаша! это опять идти в политическую коньюктуру и авантюру куда «дышло» двинет! значить у мер канаша своего мнения нет!!

  3. Оҥай

    Пеш оҥай, Лайд, тый ончыгоч Медведево районышто петыралт кертше ото-влак нерген паленат гын, молан нимом ыштен отыл? Молан тиде да моло отыла нерген Таныгинлан нуным реестырыш пурташ сай ыле манын але вик Культур министерствылан шижтарен отыл? Молан Торъял районышто марий школ-влакым арален кодаш манын нимом от ыште: ни верысе калыкым школым арален кодаш манын от тарвате, ни шке петыралтше школ-влак нерген нимом от возо? Вара Оньыжат улмо годым мыняр марий школым арален коденат? Ынде тыйым Оньыжа гыч кораҥденыт да вара нимо марий сомыл ок кӱл мо? Вара тылат лач тӧра, кугырак але Оньыжа лиймаш марий калыкым аралыме деч кӱлешанрак? Мылам лач тыге чучеш…

  4. Лайд

    Моткоч кугун йоҥылыш лият, йолташ.
    Кажне шке ӱмбакыже ответственностьым налеш. Калык лӱм дене ойла гын.
    Тыланет кӱлеш гын, мы спискым ончыктем – мыняр школым, конкретно могай школым ме араленна, кудыжым арален коденна, кудыжо верчын тавадаҥ шогенна. Системе ваштареш кучедалмаште мом ыштен кертынна да можым кертын огынал. Молан верчын ме Европа кӱкшытыштӧ выступатленна, марий йодышым нӧлтенна. А кызытсе семын мемнан чыла сай манын поҥгыланен шинчен огынал – шогенна чоткыдын!

    Да тунам лийыныт кӧмыт дене пырля шогаш, кӧмыт дене пырля пашам ышташ, шочмо кундемым аралаш!
    А таче тый Оҥай саус, аралыме корныш от шогал, Можыч чын ыштет – ужалалтше-влак дене ик радамыш ужалалтше але шагал палыше еҥ (ситуацийым палыдыме) гына шогалеш.
    Ала тый ӱшанет Яковлеван “вуйлатыме” да Мочаевын “виктарыме” Мер Каҥашышт (тышке икмыняр моло “деятельымат” ушаш лиеш – пылтиҥ-пылтиҥ-шамычым) иктаж-мом ыштат манмылан. Нуно “администраций кӱкшытан шоҥ” гына улыт.

    Ну мо, Осокин дене кочкын-йӱын жапым эртарышт, кычкырышт, унала коштыч , а результатше – Пермь марий школ-влак петырналтыч. Удмуртийыште Ижевск кӱкшытыштӧ кочкын-йӱын, мурен-куштен, лоргыктен эртарышт – результатше тыгаяк – школ-влак тыгак петырналтыныт, клуб паша шотышто иктаж могай прогрессым ужыда?
    Эн тӱҥжӧ – Мер Каҥашын тупрӱдыжӧ уке.

    Мочаевын “сперполиттехнологийже” – марийым ужалыме дене иктак. Тиде – марий калыклан шӧрмычым чиктен, пашаче иньым заготконторыш намиен шогалтыме дене иктак.
    Сандене мый Оньыжа семын да мыйын йолташем-влак кокла гыч ятырын – ужалалтше-влак коклаште уке улына.
    Мый да йолташем-влак марий йодыш деч кораҥын огынал – кӧ менман дене пырля гын, тидым раш ужеш да акла. Ме конкретный пашам ыштена.
    А мненийым шочыктышаш лидер, калыкым тарватышаш лидер – тудо мер организацийым вуйлата гын.
    Оньыжа – тиде лӱм. Тудын верчын ӱчашышаш, тудым лончылышаш уке. Кӧлан тиде келша, кӧ тидым чынлан шотла – тудо кучылтеш. А кӧ тиде лӱмым политический спекуляцийлан кучылтеш (сымыстрыме Михаил Ильтубаев семын) – тиде тудын совестешыже кодеш.
    Кажнын жапше уло да кажне шке пашажым ыштышаш.

    А “паленат” манме шотышто умылтарем: таче палем да ятыр ий ончычат паленам – Москваште ятыр архив (30-80-ше ийласе!) аралалтеш, т.е. коридорысо шкафыште почаҥ кия ыле. Мый адаминстраций деч йодынам – вашмутым пуэн огытыл. Йодде нумал каяш – тиде мыйын койыш огыл. Да, мый тидын нерген паленам!
    Мый паленам – Печать пӧртыштӧ “Ончыко” ден “У семым”, “Кугарням” почкен луктыт. Да мый тушко миенам, УТАРАШ полшенам исторический экспонат-влакым, архив материалым. Уке гын, вер шыгырлан кӧра, нумалаш нигӧлан кӧра, жап шыгырлан кӧра чыла тиде шӱкшакыш кая ыле. Но мый Геракл омыл – тыге ойлат Волжский районышто. Мый ни структур омыл – минкультуры, управление печати, мингосимущество… А ынде титаклаш редакций пашаеҥ-влакым – нуно иктаж мом арален коден огытыл манын – тиде тупо. Арален кодымо условийым лишает система – а чиновник-влак молчат.
    Сандене “паленат” манме шомак тыште яра шомак.

    А палет, Оҥай саус, мый ала-момат палем, тышечын ышташыже вием ок шуто. А мом ыштенам да ыштем кеч тыглай марий адеме семын, кеч Оньыжа семын – тиде марий айдемын поступокшо. Кеч вурсышт, кеч моктышт.

    А Аксымат уто улмым паленыт чылан. Но тиде йодышым чылан шке семынышт онченыт. Икте тушко миен, шовычым кылден коден. Весе эртен кайымыж годым каласеҥ “Вот марийцы, до сих пор свою рощу сохраняют”. А весе эртен кайышыжла чоян шоналтеҥ “Вот аҥгыра-шамыч! Тыгай чапле вер! Руалтышаш! Ну и мо, ото – мечетяк огыл”. А медведево админитраций каласеҥ “Йӧра-йӧра, ме нимат огына пале да палашат огына тӱҥал. Ме тыште илыше огынал, ме толшо улына…”

    А заместитель Килюшик – тудо нимат ынеже пале, мом палаш огыт кӱштӧ… Вот тыгай мемнан действительностьна.
    А вет палаш огыт кӱштӧ марий йодышышто пеш шукыжым.
    А ме, марий-влак, шкенан йодышнам шкеак палышаш улына.
    Чукча-влак тидын нерген шукертак романым, поэмым, эссем возат ыле.
    А ме марий-влак мом нерен шинчена?
    Да, да!
    Мый шкаланемат ойлем, тылат веле огыл.
    Сандене ит сыре!

  5. Никитин С.П.

    мутат уке…

  6. Никитин С.П.

    Пурена фронтыш — кО ваштареш, мо ваштареш?
    Пурена дыр: — кушко вуй, тушко поч.
    Каена фронтыш — генерал-влак орденым да латифундийым налыт, тыглай салтаклан — тУшка шУгар.
    Тиде фронт — «Гражданский форум — 2». Икымшыже эркын тУнчыгыш.
    Калыкын инанымаш ден еще модылдалыт.

  7. Никитин С.П.

    Ты сайтыште вурсеныт ыле: — «Никитин хочет войны»! Мый кеч шке шогалам, а весе влак моло-влакым шУшкыт тулышко.
    ЫНгай -«Урра! Ураа!» — а марий калык лунчырген-лунчырга…

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s