У Марий орфографий мутер лектын

Йылмым, сылнымутым да историйым шанчын шымлыше Валериан Васильев лӱмеш Марий институт ятыр ий вучымо «Марий орфографий мутерым» савыктен.

Тышке чынвозыш ден пунктуаций правил-влак, орфографий мутер пуреныт. Нуным 1992 ийысе «Марий орфографий мутер» да 1972 ийысе тыгаяк книгаште савыкталтше пунктуаций правил-влак негызеш ямдылыме. Тыгодым икмыняр вашталтышым, ешартышым ыштыме.

Тылеч ончыч, 1992 ийыште, савыкталтше чынвозыш мутер 35 тӱжем наре мутым ончыктен. Тиде 1972 ийысе деч ятырлан шукырак лийын. Тунам возымо шотышто, тыгак серыме йылмым кутырымо деке лишемдыме шотышто у ошкыл-влак ышталтыныт. Мутер йыгырмут да руш йылме гыч кӱсынлымӧ мутла дене пойдаралтын. Туге гынат ты мутер ятыр у йодышым шочыктен.

Йылме йодыш Марий Эл Виктер пелен чумырымо 17 еҥан йылме комиссийын каҥашен темлымыж почеш тӧрлалтын. Орфографий тӱҥ шотышто ончычсо гаяк кодын. Мут мучаште ударенийдыме йоҥйӱкан руш мутым, йыгырмутын кокымшо ужашыштыже тӱҥалтыш соҥ йӱкпалым, шӱдым ончыктышо чот мут-влакым, тыгак моло мут тӱшкам возымашке икмыняр вашталтышым пуртымо.

Тыгодым мутерыш у мут-влакым пуртымо. Тыште ынде 48000 наре шомак да нунын южо формышт чумыралтыныт.

Автор-влак мутер нерген каҥашымашке ушнышо туныктышо, журналиствлаклан, мер калыклан кугу таум ойлат.

Зоя ГЛУШКОВА

Налмывер: «Марий Эл» газет

Оставьте комментарий

Filed under Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

w

Connecting to %s