Шукерте огыл йоча ден ава-влаклан сылнымутчо, журналче Зоя Дудинан «Муралте, авай, марий мурым: шепкамуро-влак» почеламут погыжо лектын.
Тудо «Саскавий» марий ӱдырамаш ушемын проектше негызеш савыкталтын. Сборникыште почеламут аршаш, шепкамуро-влак йоча кумыллан келыштаралтыныт. Вет чылажат аван шӧржӧ гыч тӱҥалеш.
Шочмо йылмым аралымаште ава-влак кугу верым налыт. Ача-аван, коча-кованан йылмышт дене шонена, куштылгын мутланена гын, икшывынат ты йылме дене тӱням утларак писын да раш шижаш, умылаш тӱҥалеш. Шочмо йылмылан эҥертен, родо-тукым, пошкудо-влакын йылме поянлыкыштым утларак сайын пален налеш.
Тӱрлӧ калыкын йӱла радамыштыже малтыммуро икшывылан лайыкым кондышо семын аклалтын. Чыла тидым шотыш налын, кугурак-шамычлан, мыйын шонымаште, моткоч кӱлешан почеламут-шамыч келыштаралтыныт.
Тидын нергенак «Марий Эл ТВ»-н видеосюжетше:
Л.Эшкинина
Налмывер: «Марий Эл» газет
MariUver 