Tag Archives: Марий Эл

Тиде ой куд кече почела эрже-касше Морко кундемысе Октябрьский посёлкышто шоктыш. Тудым Российысе марий самырык тукымын I слётшын шӱдӧ наре участникше рӱжге йоҥгалтарыш. Ушештарен кодена: 10-15 июльышто Россий кумдыкышто тӱшкан илыше марий-влакын чолга, пӱсӧ ушан, келге шинчымашан, тачысе саман дене тӧр ошкылшо ӱдыр-рвезыже икымше гана пырля чумыргыш. Читать далее →

10-шо гыч 15-ше июль марте Марий Элыште Марий самырыктукымын* икымше слетшо эрта. Форум Морко районысо Октябрьский поселкысо школ-интернат пелен чумырген. Слетыш Российын тÿрлö верлаштыже илыше самырык марий ÿдыр-рвезе влак погыненыт, чылаже 120 участник толшаш. Тидын нерген «Марий Эл ТВ»-н видеосюжетше:

Налмывер: Видео в Марий Эл.ру

*самырыктукым — молодежь

Калыкыште тыге ойлымым шуко гана колынам: «Культур эре нужнан илен да нужнанак ила». Ик шотшо дене чын. Но пазар саман вес семынракат шонаш, ушым пудыратылаш йодеш. Тӱвыра аланыштат, у йöным кучылтын, пашам ворандараш лиеш, очыни. Поснак ты шотышто музей-шамыч ойыртемалтын кертыт. Читать далее →

Марий Элыштына 16 гыч 25 июнь марте юнкор-влакын нылымше слётышт эртен. Тудо «Марий юнкор-2009» маналтын.

Тиде сомыл, чынжымак, чолга еҥым кушташ полша манме шонымашем ты кушкыжмын слётын участникше-влак деке  миен толмеке пеҥгыдемдалте. Вес шонымашат чоныш утыр ласкалыкым пурта: Марий кундемыштына самырык марий ӱдыр-рвезе-влаклан кеҥежым иктеш чумыргашышт йӧн уло Читать далее →

Марий Элын Корамас кундем Нурмучаш олыкыштыжо Чоткар патыр лӱмеш пайрем эртен:

Налмывер: Видео в Марий Эл.ру

Марий-влакын тӱп мландыштышт Пеледыш пайрем-влак эртат.

5 июньышто Торъял районысо Чуксолаште Пеледыш пайрем гӱжлен. Тӱвыра программым Марий Эл Радио ямдылен.

Йошкар-Олаште Пеледыш пайрем 20 июньышто лиеш. Тудо пӱнчерыште Агавайрем кумалтыш дене тӱҥалеш. Тушкыжо чоклымо мутым пелешташ Марий Элын онаеҥже-влак чумыргат. Читать далее →

8 июньышто, Мланде шочмо кечын, Торъял район Эсымсола ял воктенысе отышто Тӱня агавайремым эртарат. Кумалтыш 11 шагатлан тӱҥалеш да тудым Тӱҥ онаеҥ Александр Таныгин вӱда.

13 июньышто, Шернур район Оно-Морко Купсола кундемыште, Агавайрем отышто, кугу Агавайрем кумалтыш эрташ тӱҥалеш. Кумалтыш верч Вячеслав Мамаев вуйын шога, увертара Марий Эл Радио. Читать далее →

Морко мландысе калыкын онарле койышыж нерген марий тӱняште шагал огыл ойлымо. Кузе верысе калык марий шӱлышым утларак арален коден кертын? Кушеч пеҥгыде тӱняумылымаш? Тыгай йодыш-влак кугезе мландым тошкалме годым кажне гана угыч да угыч шочыт. Ме, журналист-влак, кечын ыштыме пашаштым ужын, аклен да моктен, ӱмыр мучко шындыме йодыш-влаклан поро вашмутым налына. Читать далее →

Кодшо рушарнян Йошкар-Олаште, Ленин лӱмеш тӱвыра полатыште, Александр Речкинын концертше лийын. Сашан шочмо мландышке толмыж дене пайдаланен, тудын дене Марий Элыште лийме пытартыш кечынже вашлийын мутланышна.

— Саша, тый шукерте огыл гына концертым эртаренат ыле. Теве адакат шке мастарлыкетым ончыкташ калыкым чумыренат. Мöҥгышкет толмо еда кажне гана калык ончыко лекмет мо дене кылдалтын: у муро-влак улыт, ойлышаш шомакет шуко погынен, оксам ышташ шоненат але эше иктаж вес амал дене?

— Мый Самарысе тӱвыра да сымктыш академийыште эстраде артистлан кумшо курсышто заочно тунемам. Читать далее →

Чоткар, Акпарс да моло марий талешке-влак… Лийыныт мо нуно чынжымак але уке? Тидын нерген «Марий Эл ТВ»-н видеосюжетше:

Налмывер: http://video.vmariel.ru